Eldri færslur eftir merkjum fyrir Umsögn

Three Part Harmony frá Origins

Vörurnar í færslunni fékk ég sendar til að prófa. Færslan er ekki kostuð.

Ég spurði á Instagram hvort þið mynduð vilja sjá umsögn af nýjustu vörunum úr Three Part Harmony línunni frá Origins og það kom mér á óvart hversu margir voru spenntir fyrir því! Ég ákvað því að skella í eitt blogg þar sem ég segi ykkur aðeins betur frá vörunum en ég er búin að vera með þær í notkun núna frá því í febrúar. Eins og alltaf tek ég myndir af vörunum áður en ég byrja að prófa þær og þess vegna eru þær svona splunkunýjar, fallegar og fínar á þessum myndum 😉

En aðeins um línuna sem vörurnar tvær eru hluti af. Three Part Harmony línan frá Origins er hönnuð til þess að blása lífi aftur í húðina með því að nýta kraft Tazetta liljunnar. Vörurnar eiga að endurnýja húðina, koma henni í betra jafnvægi og gefa húðinni aukna glóð og heilbrigðan ljóma. Með því að tækla þessi þrjú atriði heldur Origins því fram að húðin fái unglegra yfirbragð. Þar sem ég er enn með svona nokkuð unga húð þá get ég því miður ekki sagt til um það en ég get þó sagt ykkur frá því hvernig línan virkaði mig en fyrir þá sem ekki vita þá er ég 25.ára. Húðlínan hentar öllum húðgerðum, þurri, blandaðri og olíumikilli húð.

Fyrsta varan sem er ný í línunni er Tri-Phase Essene Lotion. Þegar ég fékk þessa vöru í hendurnar var ég ekki alveg viss um hvað hún gerði. Þetta er ekki hreinsir en þetta er ekki tóner. Ég var því smá tíma að átta mig á henni en í stuttu máli sagt þá er er þetta í rauninni bara nærandi lotion/vökvi fyrir húðina.

Fyrir notkun byrjar maður á því að hrista flöskuna vel svo að lögin þrjú sem varan samanstendur af blandist öll vel saman. Þetta er alltaf pínu sárt því flaskan er svo falleg á litinn þegar að lögin eru aðskilin en… c’est la vie 😉 Vöruna setur maður síðan í bómull og strýkur henni yfir andlitið bæði kvölds og morgna. Varan gefur húðinni fallegan ljóma og mér fannst hún róa mína húð og næra þegar að hún var extra þurr og strekkt eftir kuldann sem var hérna í Danmörku í febrúar/mars. Þessi mun því vera í vopnabúrinu mínu þegar að veturinn snýr aftur en mér finnst hún henta betur þegar það er kalt úti eða þegar húðin er í ójafnvægi frekar en þegar það er 24 stiga hiti úti, eins og er í Danmörku akkúrat núna, og húðin er nokkuð fín. 

Seinni varan sem er ný í Three Part Harmony línunni er Day Night Eye Cream Duo. Ég varð ástfangin af hugmyndinni af þessari vöru alveg um leið og ég sá hana en eftir að ég prófaði hana þá varð ég ástfangin af vörunni sjálfri!

Í einni tvískiptri krukku má finna tvær gerðir af augnkremum þar sem eitt þeirra er gert til þess að bera á augnsvæðið á morgnanna en hitt er gert til þess að bera á augnsvæðið á kvöldin.

Morgun-augnkremið er bleikt á litinn með ljósbláum perlugljáa en það birtir yfir augnsvæðinu á morgnanna svo maður virðist vera töluvert hressari og útsofnari en maður er í raun og veru. Ég er ekki frá því að ég fái pínulitla kælitilfinningu þegar ég ber það á mig en tilfinningin er það lítil að maður tekur varla eftir henni. Nætur-augnkremið er síðan algjör lúxus! Það er mjúkt eins og smjör og róar og nærir augnsvæðið alveg frá fyrstu notkun. Frá því ég byrjaði að nota það fyrst hef ég ekki orðið þurr á augnsvæðinu og þá er sko mikið sagt! Kremið er líka mjög drjúgt en ég þarf einungis að nota kremið einu sinni til tvisvar í viku og frá því að ég byrjaði að nota kremið í febrúar þá er ég kannski búinn með næstum 1/4 af dollunni. 

Til að draga þetta allt saman í nokkur orð þá eru þetta virkilega flottar vörur en ef ég ætti að mæla með einu af tvennu þá myndi ég klárlega prufa augnkremið. Það gerði meira fyrir mína húð en lotion-ið og ég gríp einhvern veginn oftar í það. Annars hefur Origins so far ekki klikkað hjá mér en ég er á fullu núna að prófa Mega Mushroom maskann – spoiler alert – hann er ÆÐI!

-RH / @rannveigbelle

Bdellium Tools: Myndband

Góðan dag og gleðilega nýja viku! Eru ekki allir alveg gígantískt spenntir fyrir þessum ágæta mánudegi… Eða ekki því að helgin var alltof fljót að líða!

Ég er alveg að standa mig í því að koma með eitt myndband á viku þar sem þetta er þriðja vikan í röð hjá mér sem ég birti myndband. Eitt stórt klapp fyrir því! Í þessu myndbandi langaði mig að sýna ykkur nokkra augnskuggabursta frá Bdellium Tools sem ég fjárfesti í um daginn. Ég fer aðeins yfir hvern og einn bursta fyrir sig á methraða því ég vildi ekki að myndbandið yrði of langt, vonandi skiljið þið bara ágætlega það sem ég er að segja. Stillið svo endilega á HD því þá verður allt svo miklu skýrara 🙂

Hér eru svo hlekkir í réttri röð að hverjum og einum bursta fyrir sig svo þið getið skoðað þá aðeins betur:

Blending Brush 776

Large Shadow Brush 778

Shadow Brush 777

Crease Brush 781

Pencil Brush 780

Small Shader Brush 772

Flat Definer Brush 714

Tapered Blending Brush 785

Ég hvet ykkur svo til að fylgjast með í vikunni því ég mun hefja gjafaleik beint frá París sem þið viljið sko ekki missa af. Treystið mér!

-Rannveig H.

After Party VS. Blow-Out

HEIMAGERT1

vorur_voru_sendar_til_umfjollunarÉg er ótrúlega spennt fyrir að kynna þennan nýja lið á síðunni! Hér eftir mun þessi liður vera reglulegur og felst hann í því að ég mun bera saman tvær vörur og segja ykkur frá muninum á þeim og jafnvel hvor er betri ef svo er. Ég er samt mest spenntust fyrir að bera saman aðeins dýrari vörur við þær ódýrari og sjá hvort að mikill munur sé á þeim og hvort ég finn ekki einhverjar sniðugar eftirlíkingar (dupe). Það fyrsta sem ég ætla að bera saman eru þessar tvær vörur sem þið sjáið hér fyrir ofan, Bed Head After Party og Bed Head Blow-Out.

11824226_10207406201892811_253821311_n

 

Það kannast örugglega flestir við After Party kremið frá Bed Head en Blow-Out kremið er tiltölulega nýtt á markaðnum og mögulega hafa einhverjir velt fyrir sér hver munurinn sé á þessum tveimur kremum og hvort að eitt sé betra en annað. Ég er búin að vera að prófa Blow-out kremið í aðeins meira en mánuð en After Party kremið hef ég notað í nokkur ár svo mér finnst ég vera komin með góða tilfinningu fyrir muninum á þeim og því valdi ég þau fyrir fyrstu VS færsluna á síðunni!

Bleika After Party kremið er eins og nafnið gefur kannski til kynna ætlað til að hressa upp á hárið og temja öll litlu hárin sem standa oftar en ekki upp í loftið eftir gott partí. Persónulega set ég þetta alltaf í hárið á mér áður en ég fer eitthvað út þegar að hárið á mér er hreint og fínt. Ef ég myndi nota þetta á skítugt hár eða hár sem ég er ekki búin að þvo í einn eða tvo daga þá myndi það frekar verða fitugt en ekki fínt og glansandi eins og það á að vera. Kremið lyktar rosa vel (svona típísk Bed Head lykt af því) og það inniheldur örfínar hvítar Mica agnir sem gefa hárinu góðan glans. Ég myndi segja að After Party kremið henti frekar þeim sem eru með þykkt og mikið hár heldur en þeim sem eru með þunnt og fíngert hár því þá á það oft til að gera hárið svolítið fitugt og munið að það þarf alls ekki mikið af þessu í hárið til að það geri gagn.

Fjólubláa Blow-Out kremið myndi ég segja að henti töluvert betur fyrir fíngert hár þar sem það gerir hárið ekki jafn fitugt og er því minni hætta á því þó að þú setur aðeins of mikið af efninu í hárið. Kremið lítur töluvert öðruvísi út en After Party kremið og er fallega gyllt á litinn en það er vegna þess að þetta krem inniheldur gylltar Mica agnir. Ég hef bæði prufað að nota kremið í blautt hár þar sem ég hef blásið hárið með heitum blástri eftir á og svo í þurrt hár þar sem ég hef látið efnið eiga sig. Ég veit ekki hvort það er vitleysa í mér eða ekki en mér finnst alltaf eins og hárið mitt lýsist aðeins upp ef ég set efnið í blautt hár og blæs það svo. Það er einhvern veginn eins og að gylltu agnirnar í efninu grípi ljósið og því virðist hárið mitt verða einum tóni ljósara en það er í raun og veru. Kannski er þetta bara ímyndun í mér en mér finnst það allavega. Kremið lyktar alveg eins og After Party kremið og á eiginlega að gera það sama, gefa glans og temja litlu hárin.

after_blow_out

 

Ef þið skoðið innihaldsefnin þá er ekki mikill munur þar á milli kremanna sem staðfestir trú mína að efnin eru í grunninn rosalega svipuð:

After Party: Aqua (Water/Eau), Dimethicone, Cyclopentasiloxane, Dimethiconol, Propylene Glycol, Polyacrylamide, Phenyl Trimethicone, C13-14 Isoparaffin, Parfum (Fragrance), Amyl Cinnamal, Citral, Hydroxycitronellal, Benzyl Salicylate, Geraniol, Hydroxyisohexyl 3-Cyclohexene Carboxaldehyde ,Butylphenyl Methylpropional, Linalool, Citronellol, Limonene, Hexyl Cinnamal, PEG-8 Methicone, Ricinus Communis (Castor) Seed Oil, Laureth-7, Sodium PCA, Dimethicone PEG-8 Meadowfoamate, Cinnamidopropyltrimonium Chloride, Panthenol, Methylchloroisothiazolinone, Methylisothiazolinone, CI 77019 (Mica), CI 77891 (Titanium Dioxide), CI 77163 (Bismuth Oxychloride).

Blow-Out: Water (Aqua/Eau), Dimethicone, Cyclopentasiloxane, Propylene Glycol, Dimethiconol, Sodium Acrylate/Sodium Acryloyldimethyl Taurate Copolymer, Phenyl Trimethicone, Mica, Isohexadecane, Phenoxyethanol, Fragrance (Parfum), PEG-8 Methicone, Polysorbate 80, Sorbitan Oleate, Disodium EDTA, PEG-8 Dicocoate, PEG-8 Cocoate, Iodopropynyl Butylcarbamate, PEG-4, Coconut Acid, Amyl Cinnamal, Benzyl Salicylate, Butylphenyl Methylpropional, Citronellol, Geraniol, Hexyl Cinnamal, Hydroxycitronellal, Limonene, Linalool, Iron Oxides (CI 77491), Titanium Dioxide (CI 77891).

11830279_10207406207012939_1514161429_n

 

Mitt álit er því að það er alls ekki nauðsynlegt að eiga bæði kremin þar sem þau gera rosalega svipaða hluti. Ef þið eigið nú þegar After Party kremið og ykkur langar rosalega að prufa Blow-Out kremið þá getið þið það að sjálfsögðu en ekki búast við miklum mun á kremunum. Eftir þið eigið hvorugt kremið og eruð í vandræðum með hvort þið ættuð að fá ykkur þá myndi ég svolítið horfa á hárgerðina ykkar. Ef þið eruð með þunnt og fíngert hár þá myndi ég klárlega mæla með fjólubláa Blow-Out kreminu því það mun gera hárið ykkar minna fitugt heldur en hitt. Hinsvegar ef þið eruð með þykkt og mikið hár þá myndin ég frekar kaupa bleika After Party kremið.  Það þyngir hárið svolítið og temur því litlu hárin vel en getur á sama tíma gert hárið svolítið fitugt svo passið ykkur að setja ekki of mikið. Ég þarf líklegast að taka það fram að þetta er bara mitt persónulega álit eftir að hafa prófað vörurnar og það getur meira en verið að einhverjir séu ósammála mér og það er líka bara allt í lagi. Ef þið eruð með einhverja góða punkta varðandi kremin þá er um að gera að skrifa þá í athugasemdir svo fleiri geti notið góðs af þeim 🙂

-Rannveig H.

 

Fylgdu okkur á


Follow