Eldri færslur eftir merkjum fyrir Prjón

Nýtt í fataskápinn: Farmers Market Kálfatjörn

IMG_2586

2_einkaeigu_ekki_kostudMig langaði að sýna ykkur nýjustu viðbótina við fataskápinn minn sem ég er algjörlega ástfangin af! Ég fékk í jólagjöf þessa fallegu Farmers Market kápu sem heitir Kálfatjörn en hún er prjónuð úr algjörlega ólituðum lopa. Kápan er til í tveimur öðrum litum en þeir eru brúnn og svona blá-/grænsvartur.

IMG_2585

Peysan kemur í einni stærð og er mjög víð á mér en alveg svakalega þægileg. Ég er til dæmis alltaf í þunnri Uniqlo dúnúlpu innan undir kápunni þegar það er jafn kalt úti og er núna en með vorinu mun ég bara geta verið í henni einni og sér þar sem kápan er í rauninni bara eins og lopapeysa.

IMG_2587

Framan á kápunni er ein tala sem er gerð úr ekta lambshorni og hneppir peysunni saman í miðjunni. Mynstrið á henni er síðan alveg svakalega fallegt en það er eitthvað við svona tígla/chevron mynstur sem mér finnst alltaf fáránlega heillandi og ég hugsa að það sé vegna þess að það er svo erfitt að að gera það í mynstursprjóni. Það er einmitt ástæðan fyrir þvi að maður sér það ekki svo oft og þá sérstaklega ekki svona stór mynstur.

IMG_2588

Ég er svo ótrúlega lukkuleg með kápuna mína og hlakka mikið til að nota hana óspart! Það er svo dásamlegt þegar manni líður vel í því sem maður klæðist en mér líður svo vel í þessari kápu að ég skrapp meira að segja út úr húsi um daginn þó það var ekki á planinu hjá mér bara því ég vildi fara í kápuna! Svona getur maður verið ruglaður en það segir mér bara að ég eigi eftir að nota hana mikið og að mér líði rosalega vel í henni 🙂

Rannveig H.

Fylgdu mér á Facebook og Instagram (rannveigbelle) til að fá nýjustu færslurnar beint í æð!

 

Loksins!

img_2562

faerslan_er_ekki_kostudÉg skrapp í Nettó áðan og keypti mér garn í nýja kápu sem ég ætla að prjóna á mig og ég get ekki beðið eftir að hefjast handa! Það er svo svakalega langt síðan að ég settist niður og prjónaði að það er eiginlega ekki fyndið. Eitt af áramótaheitunum mínum fyrir 2017 var að hver einasti hlutur sem ég geri þarf ekki að þjóna einhverjum tilgangi, ég get alveg gert hluti sem að ég hef einungis gaman af og veita mér gleði. Ég er því bara að prjóna þessa kápu því mig langar að prjóna hana. Vonandi mun hún heppnast jafn vel hjá mér í raunveruleikanum og hún er í hausnum á mér. Ég er allavega búin að setjast niður og teikna mynstur svo þá er ekkert eftir nema hefjast handa í kvöld! 😀

Rannveig H.

Fylgdu mér á Facebook og Instagram (rannveigbelle) til að fá nýjustu færslurnar beint í æð!

 

Gróft prjónað teppi: Myndband

img_0572

img_0573

img_0576

img_0570

faerslan_er_ekki_kostudÞeir sem eru með mig á snapchat (rannveigbelle) sáu mig gera þetta grófa prjónaða teppi um daginn frá A til Ö. Ég fékk uppskriftina og hugmyndina að teppinu frá henni Mekkín á blogginu Krúsídúllur en hún kom með þá frábæru hugmynd að nota ódýr flísteppi úr Rúmfatalagernum til að búa til gróft garn sem hægt væri að prjóna úr. Algjör snilldarhugmynd svo ég dreif mig út í Rúmfatalagerinn, keypti 6 teppi og prjónaði úr þeim. Ég aðlagaði aðeins uppskriftina að mínum þörfum, bætti við fleiri lykkjum og svona en ég fer yfir það allt saman í myndbandinu hér fyrir neðan. Teppið kom mjög vel út en ég er alveg rosalega ánægð með það! Ef þið viljið fylgjast með ferlinu og sjá nákvæmlega hvernig ég gerði teppið þá er það allt saman í sýnikennslunni hennar Mekkínar og í myndbandinu hér fyrir neðan. Það var klárlega mesta vesenið að búa til garnið sjálft en ef maður nennir því þá er restin minnsta mál 🙂

-Rannveig H.

Fylgdu mér á Facebook og Snapchat (rannveigbelle) til að fá nýjustu færslurnar beint í æð!

Prjónuð slaufa fyrir Bleiku slaufuna

_mg_3784-2

Ef það er eitthvað málefni sem liggur mér næst þá er það Bleika slaufan. Í ár langaði mig að gera eitthvað öðruvísi en að fjárfesta einungis í einni slaufu en mig langaði að leggja fram stærri hjálparhönd þar sem þetta átak býr svo sannarlega í hjarta mínu. Brjóstakrabbamein er sjúkdómur sem hefur komið alltof oft við sögu í minni fjölskyldu en í hvert einasta skipti sem október gengur í garð og ég fæ að næla bleiku slaufuna í kápuna mína líður mér eins og ég sé að styðja við bakið á þeim fjölskyldum sem eru að ganga í gegnum það sama núna og við fjölskyldan gengum í gegnum þá. 

_mg_3730-2

Það er svo ótrúlega mikilvægt að finna fyrir stuðningi á þessum tíma sem óvissan ríkir en ég man að ég var ekkert alltof dugleg við það sjálf þegar að móðir mín greindist. Mesta óvissan á því tímabili var í kringum október og ég man hvað mér leið rosalega vel að geta nælt bleiku slaufunni í úlpuna mína því mér leið eins og ég væri að hjálpa jafnvel þótt ég gæti ekkert gert. Bleika slaufan hjálpaði mér því rosalega mikið á einu erfiðasta tímabili sem ég hef nokkurn tíman upplifað sem þó sem betur fer endaði vel og því langaði mig að leggja mitt af mörkum í ár.

_mg_3739-2

Þegar að bókin mín Slaufur kom út prjónaði ég handfylli af bleikum slaufum og var á leitarstöðinni á bleika deginum og gaf þeim konum sem mættu í skoðun eina slaufu. Þær vöktu mikla athygli og í ár tók ég því þá ákvörðun að prjóna hvorki meira né minna en 100 slaufur og selja til styrktar átaksins. Ég lagði fram allan kostnað og vinnu svo að hver einasta króna sem mun safnast við sölu slaufunnar mun renna óskert til Bleiku slaufunnar.

_mg_3804-2

Þetta er mín leið til að leggja hönd á plóg því ég veit fyrir víst að það vantar sárlega fjármagn þegar kemur að meðhöndlun á brjóstakrabbameini og biðlistar í dag eru orðnir alltof langir fyrir þá sem þurfa að komast í skoðun. Hver einasta króna skiptir máli og því langar mig að reyna að safna dágóðri summu með ykkar hjálp. Ein slaufa kostar að lágmarki 2.000 krónur hjá mér en að sjálfsögðu má leggja meira fram en það og borga eins mikið og þið viljið fyrir slaufuna svo lengi sem það er yfir 2.000 krónunum.

_mg_3723-2

Ef þið hafið áhuga á að kaupa slaufu þá getið þið sent mér tölvupóst á netfangið rannveig@belle.is. Ég mun þá senda ykkur reikningsnúmer tilbaka og þið getið millifært ykkar framlag inn á þann reikning. Eftir að millifærsla hefur átt sér stað fáið þið senda kvittun frá mér á netfangið ykkar og þið sýnið hana þegar þið sækið slaufuna ykkar. Slaufurnar eru afhendar hjá Krabbameinsfélaginu í Skógarhlíð 8 en þær hjá Krabbameinsfélaginu voru svo yndislegar að vilja hjálpa mér með þetta. Ég mun svo afhenda þeim upphæðina sem hefur safnast í lok mánaðarins.

_mg_3788-2

Slaufurnar má svo nota sem nælur en ég hef oft sett mína í síða keðju og notað sem men um hálsinn. Vonandi takið þið vel í þetta hjá mér og vonandi söfnum við sem mest í sameiningu. Margt smátt gerir eitt stórt!?

#fyrirmömmu & #fyrirömmu

Ykkar Rannveig?

Fylgdu mér á Facebook til að fá nýjustu færslurnar beint í æð!

 

Gleðilega Hinsegin daga!

_MG_0108

faerslan_er_ekki_kostudMig langaði bara rétt að detta hingað inn á þessum sólríka föstudegi til að segja gleðilega Hinsegin daga! Á morgun fer fram hin árlega gleðiganga en hún mun leggja af stað klukkan 14:00 frá Vatnsmýrarvegi. Þessi viðburður er eitthvað svo frábær þar sem fólk úr öllum áttum kemur saman og fagnar fjölbreytileikanum og ástinni sama í hvaða formi hún er. Ef það yljar manni ekki um hjartarætur þá veit ég ekki hvað gerir það! 🙂

_MG_0115

Gleðigangan er að sjálfsögðu hápunktur Hinsegin daganna og í tilefni þess ætla ég að reyna að skella í þessa Gay Pride slaufu úr bókinni minni fyrir morgundaginn. Sjáum til hvort að ég nái því ekki á svona stuttum tíma!

Við gerð bókarinnar kom ekki annað til greina en að Palli yrði andlit slaufunnar og hann fékk að sjálfsögðu að eiga þessa slaufu eftir myndatökuna svo mig vantar aðra fyrir gönguna á morgun og vonandi næ ég bara að klára hana í kvöld 😀

Fögnum ástinni á morgun klukkan 14!!!

-Rannveig H.

Fylgdu mér á Facebook til að fá nýjustu færslurnar beint í æð!

 

Helgin í hnotskurn

Ég átti alveg frábæra síðustu helgi og langaði að deila með ykkur nokkrum Snapchat skjáskotum frá henni 🙂 Kannski mun þetta verða reglulegur liður hjá mér – allavega svona annað slagið en ég lifi nú svo rosalega rólegu lífi að það er ekkert alltof mikið spennandi um að vera hjá mér! Hér eru allavega nokkur skjáskot frá helginni.

Ég naut þess alveg í botn síðasta laugardag að gera nákvæmlega ekki neitt! Við hjónaleysin vorum heima allan daginn og slökuðum á. Þó það hafi ekki verið mikil sól sat ég úti á svölum og prjónaði í góða veðrinu á meðan ég horfi á 48 hours á Youtube. Ég sver ég er orðin svo háð þessum þáttum að það er ekki fyndið! Um kvöldið grilluðum við svo „hjúmongus“ risarækjur sem ég var búin að marinera upp úr hvítlauksdressingu með asísku ívafi. Ég gerði svo kókoshrísgrjón með lime og hvítlaukssmjör til að bera fram með rækjunum og þetta var ekkert annað en ógeðslega gott!

image

Sunnudagurinn var svo smá stelpudagur. Við æskuvinkonurnar skelltum okkur á Snaps í brunch og ég fékk mér þessar dýrindis pönnukökur með beikoni. Ég kunni vel að meta hversu mikið beikon ég fékk en á flestum stöðum fær maður bara tvær til þrjár sneiðar svo þetta var einstaklega vel gert Snaps! Eftir átið röltum við um bæinn og kíktum í nokkrar búðir og ég fann til dæmis næstu afmælisgjöfina mína í Geysi… Bara verst að ég á ekki afmæli fyrr en í nóvember! 😉

Yndisleg helgi í alla staði og ég vona að ykkar hafi verið jafn góð ❤

-Rannveig H.

Fylgdu mér á Facebook til að fá nýjustu færslurnar beint í æð!

 

Tvíburaslaufur

IMG_2474

Mig langaði bara rétt að sýna ykkur tvær slaufur sem ég prjónaði um daginn til að gefa nýfæddum tvíburafrændum mínum. Ég er ótrúlega ánægð með þær og get ekki annað sagt en að frændur mínir tóku sig vel út með slaufurnar þó þeir eigi nú aðeins eftir að stækka í þær! ❤️

P.S. Viltu vinna eintak af nýja Duo Fiber settinu frá Real Techniques. Taktu þátt HÉR!

-Rannveig H.

Fylgdu mér á Facebook til að fá nýjustu færslurnar beint í æð!

 

Flugmannahúfa

*Varúð varúð, eggjastokkar munu klingja!

Mig langaði að sýna ykkur þessar flugmannahúfur sem ég prjónaði um daginn. Ég fékk lánaðan þennan fallega strák frá vinkonu minni til að sitja fyrir í myndatöku og honum fannst það sko ekki leiðinlegt! Ég biðst því fyrir fram afsökunar á myndaflóði en það er bara ekki hægt að velja eina eða tvær myndir af svona sætum strák!❤️

Sjáið bara þennan gleðigjafa!

Alltaf þegar ég kaupi uppskrift á netinu þá er hún vanalega send á netfang en þessi kom í gegnum lúguna á gamla mátann. Ég fékk sem sagt sendan heim lítinn bækling með uppskriftinni og það tók nokkra daga fyrir hana að koma til mín. Ég keypti uppskriftina á ensku og hún var alls ekki vel þýdd en núna tók ég eftir því að það hafa orðið nokkrar breytingar á uppskriftinni og nú er bara hægt að kaupa uppskriftina á norsku. Það er svo hægt að velja um hvort þú vilt fá uppskriftina senda í pdf formi eða heim í gegnum lúguna. HÉR er því hægt að kaupa uppskriftina á norsku í PDF formi og HÉR er hægt að kaupa hana sem lítið hefti eins og ég gerði. Hafið samt í huga að uppskriftin kostar minna ef þið fáið hana senda í pdf formi frekar en að fá sent heftið.

Fylgdu mér á Facebook til að fá nýjustu færslurnar beint í æð!

Ég lenti í smá vandræðum þegar ég var að panta húfuna og sendi umsjónarmönnum síðunnar póst til að biðja um aðstoð og fékk svar alveg um leið. Þjónustan var því mjög góð og það er alltaf stór kostur í mínum augum! 🙂

Ég prjónaði minnstu stærðina sem er fyrir 6 mánaða og notaði bara hálfa dokku af kambgarni. Liturinn í dökkbrúnu húfunni er númer 1203 en sá ljósbrúni er númer 1204. Tölurnar keypti ég á AliExpress fyrir svolitlu síðan.

_MG_3723

Hér sjáið þið svo aðra húfuna betur. Ég var svo sátt með litla módelið mitt að auðvitað gaf ég honum hina húfuna án þess að fatta að ég ætti eftir að taka mynd af húfunum tveimur saman. Það er oft bara þannig að maður gleymir ótrúlegustu hlutum í kringum svona mikinn krúttleika 😉

Ég veit ekki með ykkur en mér finnst þetta æðislega falleg vorhúfa og sé hana alveg fyrir mér paraða saman við einhvern fallegan leðurjakka til að skapa alvöru gamaldags flugmannadress! 🙂

P.S: Að lokum langaði mig að hvetja ykkur til að þátt í afmælisgjafaleik síðunnar með því að smella á myndina hér fyrir neðan og fylla út formið neðst til að geta fengið tækifæri á því að vinna heilan helling af glæsilegum vörum til að fylla í snyrtiborðið ykkar. Ég dreg á morgun svo það er um að gera að hafa hraðar hendur og taka þátt! ❤️

risa_afmælisleikur

-Rannveig H.

Draumapeysan: Frí uppskrift!

IMG_9894

Það var einhverntíman í lok síðasta árs sem ég sagði ykkur frá peysunni sem ég var að rembast við að klára fyrir jólaferðina miklu til New York. Það var nú ekki fyrr en í gærkvöldi sem ég nennti að setjast niður og skrifa upp uppskriftina til að geta deilt með ykkur 🙂

Þetta er sko engin smá peysa það get ég sagt ykkur! Eftir að hafa rölt fram og tilbaka í nokkrar H&M búðir á Times Square fattaði ég að svona þykk og mikil peysa fyrir búðarrölt hafi kannski ekki verið sú allra besta hugmynd sem ég hef fengið. Maður svitnaði… mikið! Þessi peysa er því fullkomin fyrir íslenska veturinn okkar þó hún henti ekki beint fyrir verslunarleiðangra 😉

IMG_9895

Ég ákvað að hafa peysuna frekar síða svo ég gæti notað hana við leggings og þyrfti ekki að vera í gallabuxum þegar ég færi út. Ég á nefnilega í svolitlu love-hate sambandi við gallabuxur og hef verið í því frá því ég var svona 10 ára og ákvað að ég myndi sko aldrei ganga í gallabuxum aftur! Ég ákvað einnig að hafa hálfgerðan rúllukraga í hálsmálinu svo ég þyrfti ekki að vera með trefil sem myndi bara flækjast fyrir mér. Ég var mjög sátt með þá ákvörðun því peysan hélt svo sannarlega á mér hlýju þegar við röltum nálægt sjónum eitt kvöldið. Þá sá ég sko ekki eftir að hafa farið í þessari peysu!

IMG_9946

Peysuna prjóna ég með tvöföldu garni – það er allt nema stroffið og kragann í hálsmálinu. Þetta er því mjög gróf peysa þar sem þarf að nota nálar númer 10. Mynstrið á peysunni hjálpar líka til við að gera hana grófa þar sem ég prjóna alltaf 1 snúna slétta lykkju á milli hverrar brugðnar lykkju.

IMG_9920

Ég prufaði að para peysuna saman við leðurjakka og hólí hell hvað það var þröngt um handleggi mína en þetta var samt svo flott! Ef þið eigið leðurjakka sem er í stærri kanntinum þá ættuði þið hiklaust að geta notað peysuna með honum 🙂 Mér finnst þetta par allavega lúkka mjög vel!

IMG_9886

HÉR er svo uppskriftin að peysunni sem mig langaði að gefa þeim sem hafa áhuga á að prjóna á sig eða sína eitt stykki grófa rúllukragapeysu. Peysan er í stærð small til medium en hún teygist alveg rosalega mikið enda öll bara eitt stroff svo það er vel hægt að komast upp með að prjóna hana ef þið eruð í stærð large líka. Verið bara vör um prjónstærðina og mælið út frá henni 🙂

-Rannveig H.

Prjónuð jólahúfa

IMG_9687

Hvað gerðist eiginlega! Það er bara allt í einu kominn vetur og fyrsti í aðventu! Tíminn er svo sannarlega fljótur að líða en þar sem jólin nálgast óðum þá verð ég að sýna ykkur þessa æðislega húfu sem ég prjónaði um daginn. Uppskriftin er eftir Marianne J. Bjerkmann og er ókeypis á Ravelry HÉR. Hún er bæði til á ensku og norsku svo þið getið nýtt ykkur aðra hvora… eða báðar.

Í húfuna notaði ég Merino Blend sem ég keypti í Rúmfatalagernum í litnum Scarlet 9 og ég notaði eina og hálfa dokku. Það er mjög auðvelt að fylga uppskriftinni og maður er enga stund að prjóna eina húfu svo það ætti að vera hægt að henda í nokkrar fyrir jól 🙂

IMG_9689

Hér eru svo nokkrir hlekkir að myndböndum og öðru sem þið getið nýtt ykkur ef þið ætlið að prjóna húfuna:

Tækið sem ég notaði til að gera dúskinn:

HÉR

Myndband um hvernig ég geri dúskinn:

HÉR

Myndand um hvernig á að prjóna með tveimur litum:

HÉR

Ég vona að þessir hlekkir hjálpi eitthvað ef þið ætlið að demba ykkur í jólahúfugerð og gleðilegan fyrsta í aðventu! 🙂

-Rannveig H.

 

Fylgdu okkur á


Follow