Eldri færslur eftir merkjum fyrir HH – Meðlæti

Ruccola pesto

Ég verð að viðurkenna að ég er ekki hrifin af ruccola. Það er eitthvað við bragðið sem mér finnst alls ekki gott. Hinsvegar elska ég grænt pestó og gæti borðað það í hvert mál! Þegar mamma var með stórt fjölskyldumatarboð um daginn sagði hún mér að hún ætlaði að búa til ruccola pestó, mér fannst það alls ekki hjóma spennandi og sagði við hana að það gæti ekki verið gott! Ég neyddist svo til að draga orð mín til baka því þetta pestó var hrikalega gott! Ég gat ekki hætt að borða það! Ég prófaði að setja það yfir salatið mitt, ég prófaði að borða það með nautalund (vá hvað það var gott!) og svo setti ég það líka á naan brauð. Mæli svo sannarlega með þessu pestói. 

Ruccola pesto
Skrifa umsögn
Prenta
Ruccola pesto
  1. 100 gr Ruccola (klettasalat)
  2. 100 gr parmesan ostur
  3. 30-40 gr möndlumjöl
  4. 0,5-1 dl olífuolía
  5. Safi úr einni sítrónu
  6. Salt og pipar
Aðferð
  1. Allt sett í matvinnsluvél, Mér finnst betra að hafa pestóið frekar gróft þannig ég hef það ekki of lengi í matvinnsluvélinni.
BELLE | Allt milli himins og jarðar http://www.belle.is/

-Heiðrún

 

Sumarlegt kartöflusalat

Ég er mjög hrifin af kartöflusalötum, mér finnst svo ótrúlega þægilegt að geta búið það til aðeins fyrr, áður en ég byrja að elda, og geymt það í ísskáp. Ég hef prófað mig áfram með mismunandi kartöflusalöt og um daginn bjó ég til eitt (með góðri hjálp 😉 sem var klárlega eitt það besta! Vanalega er ég mest fyrir klassískt kartöflusalat með mæjó, sýrðum rjóma, beikon og graslauk en þetta er alveg komið á listann sem besta kartöflusalat sem ég hef gert! Passar vel með grillkjötinu í sumar (ef sumarið lætur einhverntímann sjá sig þar að segja ;).

Sumarlegt kartöflusalat
Fyrir 6
Skrifa umsögn
Prenta
Kartöflusalat
  1. 1-1,5 kg kartöflur
  2. 1 krukka sólþurrkaðir tómatar
  3. 1/2 - 1 krukka fetaostur
  4. Graslaukur eftir smekk
Dressing á salatið
  1. 1 dl hvítvínsedik
  2. 2 dl ólífuolía
  3. 2 tsk kornótt og gróft dijon sinnep
  4. 1/2 tsk salt
  5. 1/2 tsk grófmalaður pipar
Kartöflusalat
  1. Kartöflurnar eru soðnar og þær skornar í bita þegar þær hafa kólnað aðeins.
  2. Sigta olíu frá og saxaið sólþurrkuðu tómatana.
  3. Sigta olíu frá fetaosti
  4. Blandið sólþurrkuðum tómötum og fetaosti saman við kartöflurnar. Hellið dressingunni yfir og hrærið varlega saman. Líka hægt að gera kvöldið áður en bera á salatið fram, geymið þá í ísskáp yfir nótt en berið fram við stofuhita.
Dressing
  1. Piskað öllu saman og smakkið til hvort þurfi meira salt og pipar
BELLE | Allt milli himins og jarðar http://www.belle.is/

-Heiðrún

Ert þú á leiðinni til Ameríku?

 

Hæ! Vanalega birti ég bara uppskriftir hérna á blogginu en mig langar að skella í  færslu sem er ekki uppskrift 🙂 
Siðustu ár hef ég ferðast mjög mikið til Ameríku. Mér finnst það alltaf jafn skemmtilegt. Þegar ég var krakki ferðaðist ég aldrei til USA en ferðaðist mikið um Evrópu sem var dásamlegt. Þegar ég var svo orðin eldri og farin að ferðast sjálf langaði mig að prófa eitthvað nýtt og þá prófaði ég að fara til Ameríku. Síðan þá hef ég eiginlega farið á hverju ári.
Þar sem ég elska allt sem viðkemur eldamennsku og bakstri þá kemur það kannski ekki á óvart en eitt það skemmtilegasta sem ég geri þegar ég er í Ameríku er að fara í matvörubúðir. Ég elska hvað það er mikið úrval af allskonar vörum sem ekki eru til heima. Ferðafélagar mínir gera vanalega grín að mér því mjög oft er það þannig að ég ferðast heim með fullt af allskonar matvöru 🙂 Þess vegna langaði mig að búa til smá lista yfir það sem ég kaupi mér alltaf þegar ég fer til Ameríku, þessar vörur eru í uppáhaldi hjá mér! Ef einhver ykkar er á leið til USA þá getiði vonandi nýtt ykkur þennan lista 😉 
Fljótlega ætla ég svo að skrifa aðra færslu um Ameríku en þá ætla ég ekki að skrifa um matvörur heldur annað sem mér finnst ómissandi þegar ég ferðast til USA 🙂 

 

-Krydd úr Trader Joe’s

Trader Joe’s er uppáhaldsmatvörubúðin mín í USA, ég elska hana! Elska úrvalið þar af hollum vörum! Ég gæti í alvöru eytt heilum degi í þessari búð bara að skoða. Ef þið eigið leið þangað þá verðiði eiginlega að kaupa þessi krydd!

Everything but the bagel – Hrikalega gott krydd. Það er mjög gott ofan á allskonar eggjarétti eða avacado. Svo hef ég líka prófað að strá því yfir salat sem er mjög gott. Uppáhaldskryddið mitt þessa stundina!

BBQ Rub and Seasoning with Coffee and Garlic – Okey þetta krydd hljómar kannski skringilega. BBQ krydd með kaffi og hvítlauk! Þetta krydd er samt æði á grillkjötið, ég drekk ekki kaffi og þoli ekki kaffibragð og var þess vegna smá smeik við að prófa þetta en vá hvað það er gott! Tryllt á grillað lambakjöt og nautakjöt, sumarlegt og gott!


Chili Lime Seasoning – Ótrúlega gott krydd, sérstaklega á kjúkling! Líka gott að strá þvi yfir tómatsalat.

 

Onion salt – Annað krydd sem er í uppáhaldi hjá mér, ótrúlega gott í matargerð og ég nota það mjög mikið!

 

-Mio Energy
Ég kaupi mér alltaf þessa drykki þegar ég fer til USA. Ég set 2-3 dropa af vökvanum í glas og blanda vatni við. Bæði hægt að kaupa með koffíni og án þess. Mér finnst þetta algjör snilld, fæ mér stundum glas af þessu ef sykurþörfin er að fara með mig (það eru 0 kaloríur í drykknum). Ég kaupi mér samt alltaf sama bragðið, er búin að smakka margar mismunandi tegundir og þær eru allar mjög fínar en það er eitt bragð sem mér finnst langbest þannig mér finnst óþarfi að kaupa öðruvísi tegundir. Það sem ég kaupi mér alltaf heitir Wicked Blue Citrus (Sjá á myndinni hér að neðan).

-Frostþurrkuð ber
Ég hef ekki ennþá fundið frostþurrkuð ber hérna á Íslandi þannig ég kaupi mér oft þannig þegar ég fer til USA. Þau eru hrikalega góð, sérstaklega jarðaberin! Bragðast eins og nammi nema bara hollari 😉 Kaupi þau vanalega í Target eða í Trader Joe’s.

-Fiber One súkkulaði brownies
Þessir brownie bitar eru geggjaðir! Ég elska þá! Ég kaupi alltaf 2 pakka af þessum kökum þegar ég fer til USA (Held þeir séu reyndar líka til í Bretlandi). Hver kaka er bara 90 kaloríur, kannski ekkert hollasta millimál sem til er en það er samt svo gott að grípa í þessa bita þegar sykurþörfin bankar upp á. Þessar kökur eru til með allskonar bragði en mér finnst súkkulaðibrownies vera bestar.

 

-m&m caramel
Þegar ég fer til Ameríku kem ég alltaf heim með smááá nammi, svona til að eiga á erfiðum dögum 😉 Er einhver sem fer í frí til USA og kemur bara ekki með neitt nammi heim með sér?! M&m caramel er klárlega í uppáhaldi hjá mér, þetta nammi er guðdómlega gott, ef þú ert á leið til USA þá er must að kaupa karamellu m&m!

 

-Hvítlauksbrauð frá Red Lobster
Ég kaupi nánast alltaf mix til að búa til hvítlauksbrauð eins og þau sem maður fær á Red Lobster. Red Lobster er veitingastaðarkeðja í USA sem sérhæfir sig í sjávarréttum. Það besta við matinn hjá þeim er að þeir bera alltaf hvítlauksbrauð á borðið á meðan beðið er eftir matnum. Þetta hvítlauksbrauð er eitt það besta og þess vegna finnst mér geggjað að geta keypt mix í matvörubúð og eldað það svo heima. Mæli klárlega með!


 

-Poppkrydd
Ég hef aldrei verið neitt sérstaklega mikill poppaðdáandi. Mér finnst fínt að fá mér poppkorn svona af og til en fæ mér mjög sjaldan samt. Í fyrra var ég stödd á ráðstefnu í Los Angeles og rakst þar á í Target poppkrydd sem mér fannst hljóma frekar spennandi. Það voru til allskonar braðgtegundir og ég endaði á því að kaupa mér einn dunk af hverri tegund sem voru til í þeirri búð. White cheddar, nacho cheese, ranch, bacon cheddar og garlic parmesan voru tegundirnar sem ég keypti. Ég skal alveg viðurkenna það að ég hef aldrei poppað jafn oft eins og þegar ég átti þessi krydd, það var svo hrikalega gott að strá því yfir poppið mitt! Ég fer aftur til USA í sumar og þá ætla ég að gera allsherjar leit af poppkryddi! Þau eiga að fást í Target og Walmart 😉 

 

-Heath
Annað nammi sem fær oft að koma með mér heim til Íslands eftir Ameríkudvöl. Ég elska allt sem inniheldur Daim og mér finnst þetta súkkulaði eiginlega vera ameríska útgáfan af Daim, hættulega gott!

-Jack Daniel’s BBQ Pork Rub
Ég er pínku kryddperri og þess vegna kaupi ég alltaf einhver krydd þegar ég fer til USA. Kryddin hér fyrir ofan kaupi ég öll í Trader Joe’s en þetta krydd hér að neðan hef ég til dæmis keypt í Walmart. Þó svo að kryddið heiti Pork Rub þá nota ég það oftast þegar ég elda kjúkling. Hrikalega gott að strá þessu kryddi yfir kjúklingaleggi og setja svo inn í ofn. Ég hef líka prófað að nota það þegar ég hægelda svínakjöt og það var líka mjög gott. Klárlega eitt af uppáhaldsmatarvörunum mínum frá USA!

 

 

-Heiðrún

Heimatilbúið remúlaði

Gleðilegt sumar kæru lesendur! Þó það sé nú ekki búið að vera neitt sérstaklega sumarlegt úti síðustu daga þá hlýtur bara að fara að styttast í vorið! Það er ekkert betra í heiminum en íslenskt sumar og mér finnst svo góð tilfinning að vita að það sé farið að styttast í það!

Í dag langar mig að gefa ykkur uppskrift af ótrúlega góðu heimtilbúnu remúlaði sem passar vel til dæmis með roast beef eða steiktum fiski. Mér finnst heimatilbúið remúlaði svo margfalt betra en það sem ég kaupi út í búð, mér finnst eiginlega ekki hægt að bera þetta tvennt saman! Mæli mjög með þessari uppskrift 🙂 

IMG_8484

IMG_8489

IMG_8530

IMG_8539

IMG_8540

IMG_8542

Heimatilbúið remúlaði
Skrifa umsögn
Prenta
Hráefni
  1. 1/2 sýrður rjómi - 10%
  2. 130 gr majónes
  3. 2 tsk túrmenik
  4. 1 tsk karrý
  5. 1 tsk kapers (saxað)
  6. 1 tsk dijon sinneo
  7. 1 matskeið hunangssinnep
  8. Súrar gúrkur eftir smekk (saxaðar smátt)
  9. Salt og pipar
Aðferð
  1. Öllum hráefnum er hrært vel saman.
  2. Smakkið til með salti og pipar.
BELLE | Allt milli himins og jarðar http://www.belle.is/

-Heiðrún

Tilvalið meðlæti með páskamáltíðinni

Jæja ég er mætt aftur á bloggið! Ég skrapp í smá vinnuferð til Los Angeles þar sem ég fór á æðislega ráðstefnu raungreinakennara. Ráðstefnan var æði og ég hef sjaldan skemmt mér svona vel. Borgin er líka æði og ég mæli með henni fyrir alla sem eru í ferðahug og hafa aldrei komið þangað! Ótrúlega margt að gera og sjá og mikið úrval af frábærum veitingastöðum. 

En að næstu uppskrift. Ég er búin að bíða í heilt ár með að birta þessa! Í fyrra fór ég í matarboð til foreldra minna þar sem boðið var upp á smjörsteiktan kalkún. Mamma mín, sem er mikill snillingur í eldhúsinu, bjó til ótrúlega gott meðlæti sem hún hafði til hliðar. Ég mæli mjög mikið með þessu meðlæti fyrir þá sem ætla að bjóða upp á kalkún. Svo finnst mér það reyndar passa við margt annað en kalkún. Mér fannst þetta allavega það gott að ég hefði auðveldlega getað borðað sem aðalrétt 😉 

IMG_2493

IMG_2588

IMG_2590

IMG_2592

IMG_2593

Tilvalið meðlæti með páskamáltíðinni
Skrifa umsögn
Prenta
Hráefni
  1. 1/2 fransbrauð
  2. 1 bolli heitt vatn
  3. 1/2 kjúklingateningur
  4. 1 egg
  5. 4 msk rjómi (má vera matreiðslurjómi)
  6. 1 blaðlaukur, saxaður
  7. 1 box kastaníusveppir (150gr), skornir niður
  8. 1/2 box venjulegir sveppir (150 gr), skornir niður
  9. Salt og pipar.
Aðferð
  1. Rífið fransbrauðið niður og setjið í stóra skál.
  2. Leysið hálfan kjúklingatening upp í einum bolla af heitu vatni.
  3. Setjið vatnið í skálina með brauðinu og hrærið því við þannig að brauðbitarnir blotni.
  4. Pískið eggið og bætið í skálina.
  5. Hrærið rjómanum við brauðblönduna.
  6. Saxið blaðlaukinn og skerið alla sveppina.
  7. Steikið blaðlaukinn og sveppina saman á pönnu í örfáar mínútur upp úr smjöri.
  8. Hrærið svo lauknum og sveppunum saman við brauðblöndun.
  9. Kryddið með salti og pipar áður en þið setjið hana í eldfast mót.
  10. Bakið við 180°C í um það bil 40 mínútur.
BELLE | Allt milli himins og jarðar http://www.belle.is/

-Heiðrún

Jólakveðja og vinsælustu uppskriftir ársins 2016

Kæru lesendur, áður en ég vil óska ykkur gleðilegra jóla þá vil ég þakka kærlega fyrir mig! Fyrr á árinu, þegar ég samþykkti að verða hluti af Belle teyminu, bjóst ég aldrei við því að bloggið mitt myndi ganga svona vel! Það kemur mér stundum á óvart hversu margir hafa áhuga á að skoða uppskriftirnar mínar, mér finnst það svo ótrúlega gaman og ég er svakalega þakklát viðtökunum. Ég hlakka mikið til að deila með ykkur nýjum uppskriftum á komandi ári og vona að þið haldið áfram að njóta þeirra með mér 🙂 
Annars langar mig að deila með ykkur tíu vinsælustu færslum ársins 2016! Það var reyndar lítið sem kom mér á óvart þegar kemur að þremur efstu sætunum 😉

í 10. sæti var Dulce de leche ostakakan mín! Færsluna getið þið skoðað hér. Þessi kaka er enn þann dag í dag sú allra besta ostakaka sem ég hef smakkað! Get ekki mælt nógu mikið með þessari!
img_2033

Í 9. sæti var Daim Brownie, önnur virkilega góð kaka! Ef það er Daim í því, þá er það gott! 😉 Uppskriftina getið þið skoðað hér.
img_4045

Í 8. sæti var páskaleg piparmyntukaka! Uppskriftin er hér.
img_2332

Í 7. sæti var skinkusalatið mitt. Uppskriftin er hér. Þetta skinkusalat er í sérstöku uppáhaldi hjá mér, ég viðurkenni það að ég hef gerst svo djörf að borða það með skeið!
img_4460

Í 6. sæti voru beikonvöfðu kjúklingabitarnir sem ég gerði í sumar. Sjúklega góður fingramatur! Uppskriftina finnið þið hér.
img_4088

Í 5. sæti sæti var beikonbrauðið mitt. Það er í alvöru jafn gott og það hljómar! Mæli með! Uppskriftin er hér.
img_2712

í 4. sæti var alvöru kaloríubomba! Salt-karamellu súkkulaðikaka! Þessi kaka er algjör draumur, alveg hættulega góð og á svo sannarlega skilið að vera svona hátt á listanum! Uppskrifin er hér.
img_5057-copy

Í 3. sæti á listanum var konfektið mitt, með Hockey Pulver, salt-karamellu og piparmyntufyllingu! Ég er búin að heyra af svo mörgum sem eru búnir að búa til þetta konfekt fyrir jólin, vá hvað mér finnst það gaman! Sjálf er ég búin að fylla eitt box af konfekti með Hockey Pulver fyllingunni sem ég er að spara fram á aðfangadag og ætla þá að deila með fjölskyldunni. Uppskriftina af konfektinu má finna hér.
img_5205

í 2. sæti var hin klassíska og gamaldags karamellukaka. Ég bjóst aldrei við þessum vinsældum þegar ég setti uppskriftina inn en vá! Ég hef ekki tölu á því hversu oft henni var deilt! Þessi kaka er ein sú allra besta! Uppskriftin er hér.
img_1131

Þá er komið að vinsælustu uppskriftinni á blogginu mínu árið 2016! Í 1. sæti var dásamlegi saumaklúbbsrétturinn minn! Ég verð að segja að það kom mér ekki á óvart að sjá þennan rétt í fyrsta sæti. Ég birti uppskriftina frekar snemma á árinu en þrátt fyrir það hafa vinsældir hennar bara aukist þegar tíminn líður frekar en hitt. Þessi réttur er svo auðveldur en svo ótrúlega góður og hentar fullkomnlega í saumaklúbbinn eða bara í kvöldmatinn 😉 Uppskriftin er hér.
img_2145

 

Gleðileg jól kæru lesendur og hafið það sem allra best yfir hátíðirnar! 

Made with Repix (http://repix.it)

-Heiðrún

Beikon-guacamole

Þessa dagana er ég sjúk í guacamole! Ég gæti borðað það alla daga! Um daginn átti ég nokkrar beikonsneiðar í frystinum hjá mér og ákvað að prófa að bæta því við guacamole-ið mitt. Vá hvað það var gott, ég held ég hafi aldrei klárað guacamole svona hratt! Mæli svo sannarlega með þessari snilld 😉

img_5035 img_5036

Beikon-guacamole
Skrifa umsögn
Prenta
Hráefni
  1. 4-5 beikonsneiðar
  2. 2 hvítlauksgeirar
  3. Hálfur rauðlaukur
  4. 2 þroskuð avacado
  5. 1 tómatur
  6. Safi úr hálfu lime
  7. Salt og pipar
Aðferð
  1. Steikið beikonið þar til það verður stökkt og gott. Skerið það í litla bita.
  2. Takið steininn úr avacadoinu og maukið það með gaffli.
  3. Skerið hvítlaukinn og rauðlaukinn smátt og bætið við avacado maukið.
  4. Skerið tómatinn í litla bita og bætið við.
  5. Kreistið safa úr lime og hrærið í.
  6. Bætið salt og pipar við eftir smekk.
Annað
  1. Mæli líka með því að bæta við kóríander og smá cayenne pipar
BELLE | Allt milli himins og jarðar http://www.belle.is/

-Heiðrún

Bláberjasíróp

img_4491

Fyrr í mánuðinum skellti ég mér í berjamó og kom heim með fullt box af girnilegum bláberjum sem fóru í frystinn hjá mér! Ég var búin að ákveða að búa til bláberjasíróp sem ég skellti svo í um helgina. Sírópið er rosalega gott og það er hægt að nota það á marga vegu. Mér finnst gott að blanda það út í ískalt vatn, setja það út á skyrið og hafragrautinn eða nota sem íssósu. Svo held ég að það gæti verið mjög gott að bæta því í kokteila, til dæmis búa til bláberja-mojito 🙂

img_4479 img_4481 img_4488 img_4498 img_4510

Bláberjasíróp
Skrifa umsögn
Prenta
Hráefni
  1. 1 bolli bláber (ca 170 gr)
  2. 1 bolli sykur (180 gr)
  3. 1 bolli vatn (190 gr)
Aðferð
  1. Setjið öll hráefnin saman í pott.
  2. Hitið þar til blandan fer að sjóða og leyfið henni að sjóða í 2-3 mínútur. Á meðan blandan er að hitna nota ég skeið til að kreista bláberin í pottinum eins og ég get.
  3. Lækkið hitann og leyfið blöndunni að malla í 3-5 mínútur í viðbót.
  4. Sigtið blönduna, þrýstið á berin í sigtinu til að ná sem mestum safa úr þeim.
  5. Setjið sírópið í krukku eða flösku og leyfið því að kólna alveg áður en þið setjið það inn í ísskáp.
  6. Sírópið geymist í ísskáp allt að 4 vikur.
BELLE | Allt milli himins og jarðar http://www.belle.is/

 -Heiðrún

Jarðaberja-límónaði

IMG_3186

Ég elska þetta sumar sem er í loftinu! Ég skellti í jarðaberja-límónaði í gær í tilefni þess hversu gott veður var úti og varð ekki fyrir vonbrigðum. Ég held meira að segja að þetta verði sumarkokteilinn þetta árið því ég er nokkuð viss um að ég komi til með að búa hann aftur til fyrir partý sumarsins. Ef ykkur vantar svaladrykk á sólríkum degi eða góðan kokteil í partýið (örugglega mjög gott að bæta í hann smá rommi) þá mæli ég klárlega með þessum. Uppskriftin kemur frá Deliciously Sprinkled.

IMG_3120 IMG_3123 IMG_3124 IMG_3133 IMG_3138 IMG_3147 IMG_3159 IMG_3198 IMG_3203

Jarðaberja-límonaði
Skrifa umsögn
Prenta
Hráefni
  1. 1 bolli vatn
  2. 1 bolli sykur
  3. 2 bollar jarðarber (það er ca 230-240 gr)
  4. 1 og ½ bolli sítrónusafi (það er safi úr ca 6 sítrónum)
  5. 6 bollar kalt vatn
  6. Klakar
  7. Jarðaber til skreytinga
Aðferð
  1. 1 bolli vatn og sykur er sett saman í pott og hitað þar til farið er að sjóða. Leyfið blöndunni að sjóða í ca 5-7 mínútur.
  2. Blandan þarf að fá að kólna þar til hún verður við stofuhita, ég set pottinn vanalega í ískápinn, þá tekur það styttri tíma. Sykurvatnið verður að þunnu sírópi.
  3. Skerið jarðaberin í bita, setjið í matvinnsluvél og maukið þau vel.
  4. Kreistið sítrónurnar og mælið 1 og ½ bolla af sítrónusafa.
  5. Blandið maukuðu jarðaberjunum og sítrónusafanum saman við sykurvatnið. Hrærið vel saman (mér finnst best að píska allt saman).
  6. Hellið 6 bollum af köldu vatni í stóra könnu.
  7. Blandið jarðaberja- og sítrónublöndunni ykkar við vatnið og hrærið í með sleif.
  8. Setjið fullt af klökum í könnuna og skerið niður jarðaber til að setja ofan í.
Annað
  1. Uppskriftin er ca. 2,5 L.
BELLE | Allt milli himins og jarðar http://www.belle.is/

IMG_3188

-Heiðrún 

 

Lemon Curd

Uppskrift að æðislegu lemon curdi. Mjög gott að setja á ristað brauð, beyglur, kex eða jafnvel á ísinn. Getur líka verið sniðug gjöf ef þú ert til dæmis að fara í matarboð, fljótleg og einföld uppskrift 🙂 

jj 

Lemon Curd
Skrifa umsögn
Prenta
Undirbúningstími
10 mín
Eldunartími
7 mín
Samtals tími
17 mín
Undirbúningstími
10 mín
Eldunartími
7 mín
Samtals tími
17 mín
Hráefni
  1. Safi úr 4 sítrónum
  2. 4 egg
  3. 110 gr smjör
  4. 450 gr sykur
Aðferð
  1. Kreistið safann úr sítrónunum
  2. Pískið eggin
  3. Setjið sykur, sítrónusafann, smjör og pískuð eggin í djúpa skál
  4. Hitið allt saman yfir vatnsbaði
  5. Hrærið í blöndunni með trésleif þar til smjörið bráðnar og blandan þykknar (loðir við sleifina)
  6. Blandan er mjög fljót að þykkna þegar smjörið er bráðnað
  7. Hellið lemon curdinu í hreinar krukkur
  8. Lokið vel og geymið í ísskáp.
Annað
  1. Uppskriftin fyllir 3-4 krukkur, fer eftir stærð þeirra.
  2. Vel er hægt að helminga uppskriftina ef þú vilt minna magn.
  3. Geymist í einn mánuð í ísskáp.
BELLE | Allt milli himins og jarðar http://www.belle.is/

 

Fylgdu okkur á


Follow