Eldri færslur eftir merkjum fyrir HH – Bakstur

Hjónabandssæla

Jæja! Aldeilis langt síðan ég bloggaði, þið verðið að afsaka það! Stundum er bara svo mikið annað að gerast sem tekur tíma og þá verður bloggið stundum útundan. En nú er sumarfríið mitt búið og ég er að detta aftur í rútínu og vonandi þýðir það að ég geti verið dugleg að skella inn uppskriftum.

Í dag langar mig að deila með ykkur uppskrift af uppáhaldshjónabandssælunni minni. Nú veit ég að margir eru byrjaði að búa til sultu og er þá ekki tilvalið að skella í eina hjónabandssælu og nota heimatilbúnu sultuna 😉

Hjónabandssæla
Skrifa umsögn
Prenta
Hráefni
  1. 240 gr smjör
  2. 200 gr sykur
  3. 280 gr hveiti
  4. 150 gr haframjöl
  5. 1 tsk matarsódi
  6. 1 egg
  7. Sulta (mér finnst sólberjasulta best en það fer auðvitað bara eftir smekk)
Aðferð
  1. Bræðið smjörið
  2. Öllum þurrefnum er blandað saman
  3. Pískið egg í annarri skál
  4. Hrærið allt saman með sleif
  5. Smyrjið eldfast form. Þrýstið deiginu í formið en munið að geyma hluta þess til þess að setja ofaná.
  6. Smyrjið sultu yfir kökuna
  7. Takið afganginn af deiginu, dreifið því jafnt yfir kökuna
  8. Bakið við 180-190 gráður í 20-30 mínútur
Annað
  1. Klikkar ekki með rjóma 🙂
BELLE | Allt milli himins og jarðar http://www.belle.is/

-Heiðrún

Bollakökur með súkkulaði-eplafyllingu

 

Jæja langt síðan ég hef skellt inn uppskrift! Afsakið það, ég er bara búin að vera að njóta þess að vera í sumarfríi og hef eiginlega voðalega lítið hugsað um bakstur eða eldamennsku síðustu vikur. Ég er búin að fara í ferðalög innanlands og svo skellti ég mér líka til San Francisco í nokkra daga í byrjun júlí. San Francisco er æðisleg borg! Mæli svo sannarlega með henni fyrir þá sem eru í ferðahug. Það kom mér samt svolítið á óvart hvað það var kalt þar, sérstaklega á kvöldin. Ég pakkaði engum hlýjum fötum þar sem ég gerði ráð fyrir að það væri alltaf gott veður í Californiu, sérstaklega á sumrin, en endaði á því að þurfa kaupa mér jakka til að lifa kvöldin af. En eins og ég sagði, þetta er æðisleg borg og svo margt að sjá, ég get ekki beðið eftir að heimsækja borgina aftur seinna! 🙂 

En að næstu uppskrift. Eins og ég skrifaði hér fyrir ofan þá hef ég lítið nennt að hugsa um bakstur síðustu vikur. Ég fer samt vonandi að detta í gírinn bráðum en i dag ætla ég að deila með ykkur eldri uppskrift af æðislegum bollakökum fylltum með eplum og súkkulaði. Ég bakaði þessar kökur fyrst fyrir nokkrum árum og tók þá myndirnar, þess vegna eru gæðin í myndum ekki alveg þau bestu. Þrátt fyrir það ákvað ég samt að deila þeim með ykkur í dag. Ég er mikill bollaköku aðdáandi og ég verð að segja að þetta eru klárlega einar bestu bollakökur sem ég hef smakkað. Uppskriftin kann að hljóma flókin en ég lofa, það er alls ekki erfitt að baka þær! Vona að þið njótið jafn vel og ég 🙂 

Bollakökur með súkkulaði-eplafyllingu og Pipp karamellusósu
Skrifa umsögn
Prenta
Bollakökur
  1. 2 bollar hveiti
  2. 1 2/3 bolli sykur
  3. 1 ¼ tsk matarsódi
  4. 1 ¼ tsk salt
  5. 1 bolli mjólk
  6. 125 grömm smjörlíki – lint
  7. 1 tsk vanilludropar
  8. 3 egg
Súkkulaði-eplafylling
  1. 40 gr smjör
  2. 2 stór græn epli
  3. 2-3 msk púðursykur
  4. Dass af kanilsykri
  5. 100 grömm suðusúkkulaði
Karamellusósa
  1. 100 grömm Pipp með karamellufyllingu
  2. 2-3 msk rjómi
Bollakökur
  1. Öllum hráefnum blandað vel saman.
Súkkulaði-eplafylling
  1. Smjörið brætt á pönnunni og eplin sett út í. Þau eru steikt þar til þau fara að mýkjast.
  2. Púðursykrinum er síðan bætt við og hann bræddur saman við.
  3. Dass af kanilsykri næst bætt við, mæli með sirka 2-3 matskeiðum.
  4. Að lokum, þegar eplin eru orðin mjúk og hráefnin hafa blandast saman, er blandan látin standa í nokkrar mínútur áður en söxuðu suðusúkkulaði er bætt út í. Hrært saman þar til súkkulaðið er að mestu leiti bráðnað.
Að lokum
  1. Bollakökuformin eru fyllt með deigi til hálfs. Ein matskeið af fylllingu er síðan sett ofan á deigið og að lokum er fyllt upp í formið með meira deigi.
  2. Kökurnar fara inn í 180 gráðu heitan ofn og eru bakaðar í um það bil 20 mínútur.
Karamellusósa
  1. Allt brætt saman í potti
Annað
  1. Borið fram með þeyttum rjóma og karamellusósunni
BELLE | Allt milli himins og jarðar http://www.belle.is/

-Heiðrún

 

Formkaka með súkkulaðibitum

Áður en ég birti næstu uppskrift þá langar mig að þakka ykkur kærlega fyrir frábærar viðtökur á kökunni með hvíta fluffy kreminu sem ég birti í síðustu viku. Mig grunaði ekki að uppskriftin yrði svona vinsæl en hún er án efa ein langvinsælasta uppskrift sem ég hef birt hér á Belle.

Næst langar mig að deila með ykkur uppskrift af klassískri formköku með súkkulaðibitum. Ótrúlega góð kak, sérstaklega þegar hún er volg.

Formkaka með súkkulaðibitum
Skrifa umsögn
Prenta
Hráefni
  1. 200 gr smjörlíki - við stofuhita
  2. 3 dl sykur
  3. 3 egg
  4. 6 og 1/2 dl hveiti
  5. 2 og 1/4 tsk lyftiduft
  6. 2 tsk vanilludropar
  7. 1 og 1/4 dl mjólk
  8. 1 og 1/2 dl saxað suðusúkkulaði (eða súkkulaðidropar) (ég bæti stundum smá súkkulaði við, finnst betra að hafa meira súkkulaði 🙂
Aðferð
  1. Hrærið smjörlíki og sykri saman á hæsta hraða í ca 5-6 mínútur eða þar til blandan verður létt og ljósgul.
  2. Bætið eggjunum í, einu í senn og hrærið vel á milli.
  3. Mælið öll önnur hráefni í skálina og hrærið saman með sleikju.
  4. Skiptið í 2 aflöng lítil kökuform. Passið að deigið klístrist ekki upp með hliðunum í forminu.
  5. Bakið í miðjum ofni í 30-35 mínútur við 180°C eða þar til prjónn kemur hreinn út þegar honum er stungið í miðja kökuna.
BELLE | Allt milli himins og jarðar http://www.belle.is/

-Heiðrún

Kaka með fluffy kremi

Uppskriftin sem ég ætla að deila með ykkur í dag er ein af mínum allra uppáhalds. Snillingurinn hann pabbi minn hefur bakað þessa köku frá því ég man eftir mér og mér finnst hún alltaf jafn góð. Kakan sjálf er mjúk og bragðgóð og kremið er fluffy og bráðnar í munninum. Mæli svo sannarlega með þessari 🙂

+

Kakan:

200 gr hveiti

280 gr sykur

1 og ¼ tsk matarsódi

1 tsk salt

50 gr kakó

125 gr smjörlíki – lint

3 egg

1 tsk vanilludropar

100 ml mjólk

Krem:

2 eggjahvítur

1 bolli sykur (ca 200 gr)

1/2 -1  bolli vatn (ca 300 ml) (bætið við vatni ef þörf er á)

 

Aðferð:

Kakan:

Hrærið saman sykri, smjörlíki, vanilludropum og eggjum.

Sigtið hveiti, matarsóda, salt og kakó saman og blandið við.

Hellið mjólkinni út í og hrærið allt saman.

Kakan er bökuð við 180 gráður í 25-30 mín eða þar til þú getur stungið prjón í hana og hann kemur hreinn út.

Krem:

Byrjið á því að setja sykurinn og vatnið í pott og sjóðið niður þar til blandan verður að sírópi. Allur sykurinn verður að fá að bráðna, annars misheppnast kremið. Sírópið á að vera svipað þykkt og Golden Syrup.

Stífþeytið eggjahvíturnar á meðan sírópið mallar.

Þegar sírópið er tilbúið hellið því þá varlega í skálina með eggjahvítunum á meðan þið hrærið í.

Hrærið vel í blöndunni þar til kremið verður tilbúið.

Skellið kreminu á kökuna þegar hún hefur aðeins fengið að kólna.

 

-Heiðrún

Marmarakaka

Næst langar mig að deila með ykkur klassískri uppskrift sem verður bara aldrei þreytt. Það er alltaf jafn gott að gæða sér á marmaraköku og ískaldri mjólk 🙂

IMG_4154

IMG_4160

IMG_4163

IMG_4168

IMG_4169

IMG_4173

IMG_4175

IMG_4201

IMG_4207

IMG_4215

IMG_4218

Marmarakaka
Skrifa umsögn
Prenta
Hráefni
  1. 150 gr smjörlíki
  2. 1 og 1/2 dl sykur + 2 tsk sykur
  3. 2 stk egg
  4. 3 dl hveiti
  5. 1 tsk lyftiduft
  6. 1/2 dl mjólk + 2 msk mjólk
  7. 1 tsk vanilludropar
  8. 1 og 1/2 msk kakó
Aðferð
  1. Hrærið smjörlíki og sykri saman í hrærivél.
  2. Brjótið eitt egg í einu og hrærið vel við blönduna.
  3. Látið hveiti og lyftiduft ásamt mjólk og vanilludropum út í blönduna og hrærið þar til allt hefur blandast vel saman.
  4. Takið 1/3 af deiginu og látið í smurt formkökuform. Takið 1/3 og setjið í skál til hliðar.
  5. Blandið 1/3 hluta deigsins með 1 og 1/2 msk kakó, 2 tsk sykri og 2 msk mjólk.
  6. Látið kakódeigið í mótið ofan á hitt deigið.
  7. Setjið restina af ljósa deiginu sem þið höfðuð sett til hliðar ofan á kakódeigið.
  8. Skerið í gegnum deigið í forminu með hníf.
  9. Bakið í miðjum ofni við 180°C í um 50 mínútur.
BELLE | Allt milli himins og jarðar http://www.belle.is/

-Heiðrún

Æðisleg skúffukaka

Góð skúffukaka klikkar sjaldan! Það er lítið sem er meira kósý en að skella í eina skúffuköku þegar það er kalt úti og hjúfra sig svo upp í sófa og gæða sér á sneið 😉 Hérna kemur uppskrift skúffuköku sem er í uppáhaldi hjá mér. Mæli með því að bera hana fram með rjóma.

IMG_5780

IMG_5784

IMG_5793

Æðisleg skúffukaka
Skrifa umsögn
Prenta
Skúffukaka
  1. 200 gr hveiti
  2. 280 gr sykur
  3. 1 og ¼ tsk matarsódi
  4. 1 tsk salt
  5. 50 gr kakó
  6. 125 gr smjörlíki - lint
  7. 3 egg
  8. 1 tsk vanilludropar
  9. 100 ml mjólk
Krem
  1. 130 gr smjör - lint
  2. 1 egg
  3. 250 gr flórsykur
  4. 1 tsk vanilludropar
  5. 1 msk kakó
  6. 100 gr suðusúkkulaði
  7. 3-4 msk rjómi
  8. Kókos
Skúffukaka
  1. Hrærið saman sykri, smjörlíki, vanilludropum og eggjum.
  2. Sigtið hveiti, matarsóda, salt og kakó saman og blandið við.
  3. Hellið mjólkinni út í og hrærið allt saman.
  4. Kakan er bökuð við 180 gráður í 25-30 mín eða þar til þú getur stungið prjón í hana og hann kemur hreinn út.
Krem
  1. Hrærið smjöri og eggi saman þar til blandan verður alveg mjúk.
  2. Hrærið flórsykrinum við blönduna.
  3. Bætið kakói og vanilludropum við og hrærið vel.
  4. Bræðið suðusúkkulaðið yfir vatnsbaði.
  5. Bætið súkkulaðinu við kremblönduna og hrærið vel.
  6. Að lokum bætið þið 3-4 matskeiðum af rjóma (ekki þeyttum) við kremið og hrærið.
  7. Setjið kremið á kökuna og endið á því að strá kókos yfir.
BELLE | Allt milli himins og jarðar http://www.belle.is/

-Heiðrún

 

Karamellubitar

Næsta uppskrift sem ég ætla að deila er í miklu uppáhaldi hjá mér. Þessir karamellubitar eru svo góðir að þeir bráðna í munninum! Tilvalið að skella í þessa bita fyrir til dæmis fermingar sem eru á næsta leiti. Uppskriftin er einföld og fljótleg og ég lofa að þessir karamellubitar slá í gegn hjá hverjum sem þá smakka! Ég nota sæta mjólk (condensed milk) í  karamelluna. Ég hef alltaf fengið þannig í Kosti. Hér að neðan sjáið þið mynd af sætri mjólk. Njótið! 🙂IMG_1954

IMG_5697

IMG_5704

IMG_5710

IMG_5713

IMG_5715

IMG_5724

IMG_5727

IMG_5729

IMG_5746

IMG_5749

IMG_5751

IMG_5767

IMG_5769

IMG_5771

Karamellubitar
Skrifa umsögn
Prenta
Kexbotn
  1. 125 gr smjör – lint
  2. 50 gr sykur
  3. 175 gr hveiti
  4. Smá salt
Karamellan
  1. 200 gr sæt mjólk (Condensed milk)
  2. 125 gr smjör
  3. 125 gr sykur
  4. 2 matskeiðar síróp
  5. 1 teskeið vanilludropar
  6. Smá salt
Súkkulaðihjúpur
  1. 200 gr hjúpsúkkulaði – ljóst
Kexbotn
  1. Hitið ofninn í 170°C.
  2. Hrærið saman smjörinu (við stofuhita) og sykrinum þar til blandan verður létt og „fluffy“.
  3. Bætið hveitinu og saltinu við og hrærið vel þar til blandan verður mylsnukennd. Sjá mynd hér að ofan.
  4. Setjið smjörpappír í form (ég nota stærð 18x28 cm) og hellið deiginu á smjörpappírinn.
  5. Notið fingurna til að þrýsta deiginu saman í formið.
  6. Stingið með gaffli í deigið eins og sést á myndinni hér að ofan til að það lyfti sér ekki eins mikið.
  7. Bakið í 15-20 minútur eða þar til deigið verður gullinbrúnt.
  8. Látið kólna á meðan þið búið til karamelluna.
Karamellan
  1. Setjið öll hráefnin í pott og hitið á miðlungshita.
  2. Hrærið vel í blöndunni þar til öll hráefnin hafa blandast saman.
  3. Það er mikilvægt að hræra í blöndunni á meðan karamellan er að verða til. Hún er mjög fljót að brenna við í pottinum og þegar það gerist er hún ónýt.
  4. Þegar karamellan hefur breytt um lit og er orðin aðeins dekkri og þykkari er hún tilbúin.
  5. Hellið karamellunni yfir kexbotninn.
Súkkulaðihjúpur
  1. Hitið súkkulaðið yfir vatnsbaði.
  2. Þegar súkkulaðið hefur bráðnað hellið því þá yfir karamelluna. Dreifið úr því með skeið.
  3. Leyfið súkkulaðinu að harðna áður en þið skerið í bita.
Tekið úr Kitchen Mason
Tekið úr Kitchen Mason
BELLE | Allt milli himins og jarðar http://www.belle.is/

-Heiðrún

Bollur fylltar með vanillubúðing

Jæja nú styttist í bolludaginn! Ef ég á að vera alveg hreinskilin þá er bolludagurinn ekki í neinu sérstöku uppáhaldi hjá mér. Frá því ég var lítil þá hefur mér fundist þessar týpísku bolludags-bollur frekar vondar og borða vanalega ekki eina einustu! Í dag er reyndar hægt að fá ótrúlega mikið úrval af girnilegum bollum í bakaríum landsins sem er algjör snilld! Mig langaði samt rosalega að prófa að búa til öðruvísi bollur og þar sem ég verð ekki á landinu á bolludeginum þetta árið ákvað ég að flýta honum aðeins. Ég bauð fjölskyldunni í bollukaffi um liðna helgi og gerði nýja tegund af bollum sem ég hef aldrei smakkað. Ég bjó til æðislegan vanillubúðing og fyllti bollurnar með honum og toppaði þær svo með ótrúlega góðum súkkulaði-glassúr! Uppskriftin er frekar auðveld, það sem aðallega gæti klikkað er búðingurinn en ef ekki er farið nákvæmlega eftir uppskriftinni gæti hann skilið sig eða orðið kekkjóttur. Þessar bollur voru rosa góðar, meiraðsegja mér fannst þær góðar og þá er mikið sagt 😉 Eins og þið sjáið á myndunum gerði ég venjulegar bollur en ég gerði líka éclair úr helmingnum af deiginu. Éclair sjáið þið betur hér.

IMG_5619

IMG_5625

IMG_5627

IMG_5633

IMG_5639

IMG_5646

IMG_5653

IMG_5654

1. Bollurnar:               

½ bolli (eða 125 gr) nýmjólk

½ bolli (eða 125 gr) vatn

115 gr íslenskt smjör

¼ tsk sykur

¼ tsk salt

1 bolli (eða 140 gr) hveiti

5 stór egg við stofuhita

2. Vanillubúðingur:

6 eggjarauður

2 bollar nýmjólk

¾ bolli (eða 160 gr) sykur

1 matskeið vanilludropar

¼ bolli (eða 35 gr) hveiti

55 gr íslenskt smjör

3. Súkkulaðiglassúr:

130 gr suðusúkkulaði

75 gr smjör

2 msk síróp

2 msk heitt vatn

 

AÐFERÐ:

1. Bollurnar:

Setjið bökunarpappír á 2 ofnplötur.

Hitið ofninn í 200 gráður.

Pískið öll eggin saman í skál. Setjið til hliðar.

Blandið saman mjólkinni, vatninu, smjörinu, sykri og salti í djúpan pott. Hitið þar til fer að sjóða. Mikiðvægt að passa að blandan brenni ekki við.

Þegar blandan er byrjuð að sjóða lækkið þá hitann í miðlungshita.

Hellið hveitinu ofan í blönduna. Blandan þykknar mjög fljótt og þess vegna er mikilvægt að hræra mjög vel í blöndunni þegar hveitinu er bætt við. Haldið áfram að hræra í 1-2 mínútur þar til blandan verður líkari deigi.

Færið deigið í aðra skál og hrærið á miðlungshraða með rafmagnshrærivél. Hrærið í 1-2 mínútur.

Bætið eggjunum (sem búið er að píska vel saman) smátt og smátt við blönduna á meðan þið hrærið með rafmagnshrærivélinni. Ekki setja öll eggin í einu, setjið frekar í smáum skömmtum (4-5 skömmtum) og hrærið vel á milli. Áður en þið setið næsta skammt af eggjum við deigið skuluð þið vera búin að hræra fyrri skammtinn alveg við deigið. Það gæti gerst í þessu skrefi að deigið virðist ætla að skilja sig, haldið bara áfram að hræra, þá ætti deigið að lagast. Að lokum ætti blandan að verða orðin nokkuð þykk.

Setjið deigið í sprautupoka og veljið stút sem er ekki of lítill. Það er líka alveg hægt að nota bara tvær skeiðar, þarf ekki endilega að setja deigið í sprautupoka.

Sprautið deiginu á smjörpappírinn. Gerið ráð fyrir að deigið muni stækka töluvert þannig það er óþarfi að sprauta of miklu deigi fyrir hverja bollu (fínt að miða við að hver bolla sé ca. í sömu stærð og golfbolti). Ef þið viljið láta bollurnar líta út eins og éclair þá þarf að nota sprautupokann og sprauta ca. 5 cm.

Setjið inn í ofn og bakið í ca 20 mínútur. Þetta skref fer þó eftir því hvernig ofn þið eigið. Í upprunalegu uppskriftinni er talað um að baka eigi bollurnar í 15 mínútur við 220 gráðu hita og lækka svo hitann niður í 190 gráður og láta bakast í 25 mínútur. Í mínum ofni bakaði ég bollurnar í tæplega 20 mínútur á 200 gráðum.

2. Vanillubúðingur:

Pískið eggjarauðurnar, sykurinn og hveitið saman í stórri skál.

Hitið mjólkina í potti á miðlungshita þar til hún fer að sjóða. Passið að hún brenni ekki við.

Hellið mjólkinni við eggjarauðublönduna  og haldið áfram að hræra vel saman. Notið písk.

Þegar þið eruð búin að hræra/píska heitri mjólkinni saman við eggjarauðurnar, sykrurinn og hveitið, setjið þá blönduna aftur í stóran pott. Blandan ætti að vera frekar þunn.

Hitið blönduna í pottinum þar til hún fer að sjóða. Á meðan þið gerið það er mikilvægt að hræra í blöndunni. Um leið og þið hættið að hræra fer blandan að brenna við í botninn. Ég mæli með því að nota spaða úr gúmmí.  Passið að hræra vel úr botninum. Blandan ætti að fara að þykkna. Hrærið áfram í 2-3 mínútur og takið svo af hitanum.

Bætið smjörinu og vanilludropunum við heita blönduna. Leyfið smjörinu alveg að bráðna og hrærið saman.

Núna ætti búðingurinn að vera tilbúinn. Setjið hann í skál eða annað box og lokið með plastfilmu. Setjið búðinginn í ísskápinn þar til þið notið hann.

3. Súkkulaðiglassúr:

Setjið öll hráefnin í pott og hitið saman við vægan hita. Leyfið að kólna.

 

Að lokum:

Leyfið bollunum ykkar að kólna alveg áður en þið fyllið þær af vanillubúðing.

Setjið búðinginn í sprautupoka. Sprautið búðingnum inn í bollurnar, magn fer alveg eftir smekk. Ég sprauta búðingnum vanalega inn á 2-3 mismunandi stöðum á bollunni, ef bollan er í stærri kantinum. Passið líka að nota ekki of stóra sprautu. Passið bara að setja ekki það mikinn búðing að hann fari út um allt.

Setjið glassúrinn ofan á bollurnar með skeið eða dýfið efri hluta þeirra ofan í glassúrinn.

-Heiðrún

Skinkusnúðar með birkifræjum og sinnepsdressingu

Er það bara ég eða líður tíminn alveg fáránlega hratt? Það verður komið sumar áður en maður veit af, sem er reyndar ekkert verra, get ekki beðið eftir vorinu!
Um daginn hélt ég smá kaffiboð og prófaði nokkrar nýjar uppskriftir, meðal annars prófaði ég þessa æðislega góðu snúða með skinku, osti, birkifræjum og sinnepsdressingu og ætla að deila þeim með ykkur. Ég var ekkert að flækja hlutina neitt of mikið og keypti bara tilbúið pizzadeig sem fæst í öllum helstu matvöruverslunum og notaði það í staðinn fyrir að búa til deigið sjálf, gæti ekki verið auðveldara 😉 Hér getið þið séð hvernig deig ég notaði. Snúðarnir voru alveg ótrúlega góðir og voru fljótir að klárast, ég get lofað ykkur því að þið verðið ekki fyrir vonbrigðum! 😉

IMG_5526

IMG_5527

IMG_5529

IMG_5531

IMG_5534

IMG_5535

IMG_5537

IMG_5540

IMG_5547

IMG_5549

IMG_5551

IMG_5552

IMG_5554

Skinkusnúðar
Skrifa umsögn
Prenta
Hráefni
  1. 1 rúlla tilbúið pizadeig
  2. 1 pakki silkiskorin skinka eða stórt bréf af venjulegri skinku
  3. 1 poki af mozzarellaosti
  4. 110 gr smjör
  5. 1 matskeið birkifræ (poppyseeds)
  6. 1 ½ matskeið dijon sinnep (ég nota hunangs-dijon)
  7. ½ matskeið Worcestershire sósa
Aðferð
  1. Rúllið tilbúna deiginu út. Fletjið það aðeins þannig það verði ekki jafn þykkt og þegar þið eruð nýbúin að rúlla því út.
  2. Raðið skinkunni á deigið.
  3. Stráið ostinum yfir skinkuna.
  4. Rúllið deiginu aftur upp.
  5. Skerið deigið í litla bita (ég skar mitt í 12 bita) og setjið í eldfast mót sem búið er að smyrja með olíu.
  6. Bræðið smjörið í potti við vægan hita.
  7. Bætið sinnepinu, birkifræjunum og Worcestershire sósunni við smjörið og hitið áfram við vægan hita.
  8. Hellið blöndunni jafnt yfir snúðana.
  9. Hitið ofninn í 180°C.
  10. Bakið snúðana í ca. 25 mínútur eða þar til þeir verða fallega ljósbrúnir á lit.
BELLE | Allt milli himins og jarðar http://www.belle.is/

-Heiðrún

Heimsins bestu súkkulaðibitakökur

Ég held að flestir sem hafa gaman af því að baka eigi sér uppáhaldsuppskrift af súkkulaðibitakökum. Þessi uppskrift er mín uppáhalds, ég elska þessar súkkuklaðibitakökur! Stökkar að utan og mjúkar innan í, stútfullar af súkkulaði. Þær eru líka ótrúlega auðveldar og fljótlegar, tekur enga stund að skella í skammt af kökum. Mæli með! 🙂

IMG_5502

IMG_5504

IMG_5507

IMG_5516

IMG_5518

Heimsins bestu súkkulaðibitakökur
Skrifa umsögn
Prenta
Hráefni
  1. 230 gr smjör
  2. 140 gr sykur
  3. 170 gr púðursykur
  4. 1 tsk vanilludropar
  5. 2 stór egg
  6. 1 tsk matarsódi
  7. 330 gr hveiti
  8. 1 tsk salt
  9. 300-350 gr súkkulaðidropar eða saxað suðusúkkulaði
Aðferð
  1. 300-350 gr súkkulaðidropar eða saxað suðusúkkulaði
  2. Byrjið á því að hræra saman smjöri, sykri, púðursykri, vanilludropum og eggjum. Hrærið vel þar til blandan verður létt og „fluffy“.
  3. Bætið næst restinni af hráefninu við blönduna (hveitinu, matarsódanum og saltinu) og hrærið.
  4. Að lokum hrærið þið súkkulaðibitunum í blönduna.
  5. Búið til litlar kúlur úr deiginu og komið fyrir á smjörpappír á ofnplötu.
  6. Hitið ofninn á 180°C.
  7. Bakið súkkulaðibitakökurnar í 9-11 mínútur. Passið að baka þær ekki of lengi, þá verða þær harðar, þær eru alltaf betri þegar þær eru mjúkar í miðjunni 😉
BELLE | Allt milli himins og jarðar http://www.belle.is/

-Heiðrún

 

 

Fylgdu okkur á


Follow