Eldri færslur eftir merkjum fyrir HH – Aðalréttir

Bríeost-og eplabaka

Næsta uppskrift sem ég vil deila með ykkur er uppskrift sem kemur mikið á óvart! Ég bjóst ekki við miklu en vá, þessi baka er ótrúlega góð! Og ekki verra hvað hún er einföld. Ég nota lauksultu frá costco sem ég keypti fyrr í vetur. Ég hef reyndar ekki farið í costco í smá tíma núna og veit því ekki alveg hvort hún sé ennþá til en hún kemur pottþétt aftur ef hún er ekki til. Ég er allavega búin að kaupa nokkrar krukkur síðan costco opnaði í vor og ég elska þessa sultu! Hún er líka ótrúlega góð með öðrum mat, ég nota hana til dæmis alltaf þegar ég elda hamborgara! Ég mæli sannarlega með þessari böku, hún er virkilega góð og gæti hentað vel á veisluborð um jólin. Hentar líka í saumaklúbbinn 🙂 

Bríeost-og eplabaka.
Skrifa umsögn
Prenta
Hráefni
  1. 1 pakki frosið smjördeig
  2. 1/3 krukka rauðlaukssulta úr Costco
  3. 2 epli
  4. 2 Bóndabríe
  5. Timian
Aðferð
  1. Afþýðið smjördeigið.
  2. Hitið ofninn í 180-200 gráður.
  3. Takið smjördeigsplöturnarplöturnar og leggið á ofnplötu. Fletjið út þannig að smjördeigsplöturnar tengjast og festast saman. Getið líka hnoðað plötur saman og flatt deigið út þannig.
  4. Skerið grunna krossa í deigið út um allt til að það lyfti sér minna í ofninum.
  5. Forbakið í 15 mínútur.
  6. Afhýðið eplin, takið kjarnar úr og skerið í þunnar sneiðar.
  7. Skerið ostinn líka í þunnar sneiðar.
  8. Takið smjördeigið úr ofninum og smyrjið lauksultu vel á alla bökuna.
  9. Raðið eplum og osti yfir laukinn.
  10. Stráið að lokum Timian yfir.
  11. Bakið í ca. 25 mínútur eða þar til osturinn er bráðnaður og farin að brúnast smá.
  12. Skerið í sneiðar og berið fram heitt eða kalt.
BELLE | Allt milli himins og jarðar http://www.belle.is/

-Heiðrún

Sumarlegt rækju-taco

Afsakið hvað það er búið að líða langt á milli færslna hjá mér! Það er búið að vera svo ferlega mikið að gera síðustu vikur og ég hef haft mjög takmarkaðan tíma til að dúlla mér í eldhúsinu. En sem betur fer styttist í að það fari aðeins að róast hjá mér og þá kem ég aftur af fullum krafi, ég lofa fullt af girnilegum uppskriftum í sumar 🙂

Á föstudaginn eldaði ég einn besta rétt sem ég hef smakkað lengi, rækju tacos. Ég er búin að ætla að elda þennan rétt mjög lengi en var eiginlega búin að ákveða að það væri of mikið vesen. Á föstudaginn var svo gott veður að ég ákvað að það væri tilvalið að elda sumarlegan kvöldmat og varð þá rækju tacos fyrir valinu. Ég get alveg lofað ykkur því að það var ótrúlega lítið mál að elda þennan rétt, ekki næstum því jafn mikið vesen og ég hélt, tók eiginlega bara enga stund! En vá hvað maturinn bragðaðist vel! Get ekki mælt nógu mikið með þessari uppskrift, hún er eiginlega fullkomin og ég get ekki beðið eftir að elda þennan rétt aftur og aftur í sumar!

Uppskriftin hér að neðan er fyrir 2-3. Ég keypti einn frosinn pakka af tígrisrækjum (ca 350-400 gr) en ef þið ætlið að elda fyrir fleiri en 2-3 þá mæli ég með því að kaupa annan pakka af rækjum og þá þarf auðvitað líka að skera niður meira grænmeti og gera stærri uppskrift af marineringu. 

Rækju-tacos
Fyrir 2
Skrifa umsögn
Prenta
Undirbúningstími
15 mín
Undirbúningstími
15 mín
Tacos
  1. Ég kaupi mjúkar pönnukökur en auðvitað er líka hægt að bera fram í stökkri taco skel. Ég kaupi litlar pönnukökur og hef fengið þær í Hagkaup. Annars er ekkert verra að bjóða upp á réttinn í stórum pönnukökum 🙂
Rækjur (marinering)
  1. 2 msk sojasósa
  2. 1 msk hunang
  3. 2 hvítlauksgeirar - pressaðir
  4. 1/2 msk ólífuolía
  5. 1/ msk hunangs dijon sinnep
Salat (sem fer á tacos)
  1. 4 tómatar
  2. Salt og pipar
  3. 2 avacado
  4. Hálfur rauðlaukur
Sósa
  1. 1 dós af sýrðum rjóma (ég nota 10%)
  2. Ca ein lúka af kóríander
  3. Safi úr hálfri lime
Rækjur (marinering)
  1. Hrærið öllum hráefnum saman og hellið yfir rækjurnar.
  2. Gott að merinera nokkrum klst áður en rækjurnar eru grillaðar. Ef ég býð upp á réttinn í kvöldmat þá reyni ég að marinera í hádeginu sama dag. Munið bara að geyma í kæli.
Salat (sem fer á tacos)
  1. Tómatarnir hreinsaðir eins og hægt er og skornir í litla bita. Dassið smá salti og pipar yfir tómatana þegar búið er að skera þá og setja í skál.
  2. Avacado skorið í bita.
  3. Rauðlaukur skorinn smátt.
  4. Setjið allt grænmetið í skálar (ekki blanda þeim saman í eina skál samt) svo hægt sé að velja sér grænmeti á sitt taco.
Sósa
  1. Setjið sýrða rjómann í skál og hrærið vel í honum
  2. Skerið kóríander og hrærið við sýrða rjómann.
  3. Kreistið safa úr hálfu lime og hrærið við.
Annað
  1. Grillið rækjurnar á meðalheitu grilli í nokkrar mínútur.
  2. Mér finnst gott að skella pönnukökunum á grillið í smástund, alls ekki of lengi samt (ca 1 mín). Muna bara að snúa þeim þannig þær brenni ekki við en þær brenna nokkuð auðveldalega.
  3. Raðið grænmetinu og rækjunum á pönnukökurnar. Setjið sósuna yfir í lokinn. Mér finnst rosa gott að strá kóríander yfir og einnig finnst mér mjög gott að kreista smá lime safa yfir allt.
BELLE | Allt milli himins og jarðar http://www.belle.is/

-Heiðrún

 

 

 

 

 

Egg-og beikonbaka

Þið verðið að afsaka þetta bloggleysi í mér síðustu vikurnar, það er búið að vera svo mikið að gera hjá mér að ég hef ekki haft tíma til að baka eða elda eitthvað gott til að setja á bloggið. En um páskana skellti ég í þessa gómsætu böku með sunnudags „brunch-inum“. Ég myndi kannski ekki segja að þessi baka sé neitt sérstaklega fljótleg en hún er samt alveg þess virði og bara gaman að dúlla sér við eldamennskuna 🙂


                         

Egg- og beikonbaka
Skrifa umsögn
Prenta
Deig
  1. 120 gr hveiti
  2. 1/2 tsk salt
  3. 150 gr smjör - lint
Fylling
  1. 8-10 beikonsneiðar
  2. 5 egg
  3. 3/4 bolli matreiðslurjómi
  4. 1/2 villisveppaostur (eða annar ostur að eigin vali)
  5. Lítið bréf af skinku (ca 130 gr)
  6. 1 poki mozzarellaostur
  7. Salt og pipar eftir smekk
Deig
  1. Hrærið/hnoðið öllum hráefnum saman. Ef blandan er of blaut bætið þá við hveiti.
  2. Þrýstið deiginu í form, reynið að hafa eins jafnt og hægt er.
  3. Stingið með gaffli í deigið eins og sést á myndinni hér að ofan til að það lyfti sér ekki eins mikið.
  4. Setjið álpappír yfir bökuna eins og sést á mynd hér að ofan.
  5. Deigið er forbakað (með álpappírnum) við 190°C í 15 mín. Á meðan deigið er að forbakast er fyllingin gerð.
Fylling
  1. Eldið beikonið þar til það verður stökkt. Mér finnst alltaf best að setja það á álpappír og inn í ofn, þá sleppur maður líka við of mikla beikonlykt.
  2. Þegar bakan er tilbúin raðið þá beikonsneiðunum á botn hennar.
  3. Pískið eggin.
  4. Bætið matreiðslurjómanum við eggin og hrærið.
  5. Skerið ostinn í litla bita.
  6. Skerið skinkuna smátt.
  7. Setjið hálfan poka af mozzarellaosti við eggjablönduna.
  8. Saltið og piprið og hrærið öllu vel saman.
  9. Setjið fyllinguna í bökubotninn, yfir beikonið.
  10. Stráið restinni af mozzarellaostinum yfir bökuna.
  11. Eldið við 180°C í 40-50 mínútur eða þar til osturinn er orðinn fallega brúnn á litinn.
BELLE | Allt milli himins og jarðar http://www.belle.is/

-Heiðrún 

Chicken fingers með hunangssinneps- og pekanhnetuhjúp

Ég bjó til rosalega góða „chicken fingers“ um daginn og bara verð að deila uppskriftinni með ykkur! Þetta voru reyndar frekar óhefðbundnir chicken fingers, engin djúpsteiking heldur bara eldað í ofni. Miklu hollara og að mínu mati, töluvert betra. Þessi réttur er mjög auðveldur og fljótlegur. Njótið!

IMG_5572

IMG_5574

IMG_5581

IMG_5585

IMG_5588

IMG_5600

IMG_5605

IMG_5610

IMG_5613

Chicken fingers með hunangssinneps- og pekanhnetuhjúp
Fyrir 3
Skrifa umsögn
Prenta
Chicken fingers
  1. 1 pakki kjúklingalundir (ca 600 gr)
  2. Salt og pipar
Hunangssinnep
  1. ½ bolli majónes
  2. ½ bolli grísk jógúrt
  3. ½ bolli hunang
  4. 3 matskeiðar Dijon sinnep
Pekanhnetuhjúpur
  1. 100 gr pekanhnetur
  2. 1 bolli Panko brauðrasp (fæst í Hagkaup)
  3. 1 matskeið Ítalskt krydd (Italian seasoning)
  4. 1 tsk hvítlauksduft (garlic powder)
Hunangssinnep
  1. Hrærið majónesinu, grískri jógúrt, hunangi og sinnepi saman í skál.
  2. Skiptið sósunni í 2 skálar. Helmingurinn af sósunni er notaður sem marinering á kjúklinginn en hinn helmingurinn er borinn fram með kjúklingnum þegar hann er tilbúinn.
Pekanhnetuhjúpur
  1. Setjið hneturnar í matvinnsluvél. Myljið þær vel.
  2. Setjið hneturnar í skál og hrærið restinni af hráefninu saman við (Panko brauðraspinu og kryddinu).
Chicken fingers
  1. Kryddið kjúklinginn með salti og pipar.
  2. Dýfið hverjum kjúklingabita í hunangssinnepið og síðan í pekanhnetublönduna.
  3. Hitið ofninn í 190°C. Setjið bökunarpappír á ofnplötu.
  4. Leggið hvern kjúklingabita á bökunarpappírinn.
  5. Bakið í 15-20 mínútur eða þar til kjúklingurinn verður fallega ljósbrúnn á litinn og eldaður alveg í gegn.
Annað
  1. Berið fram með restinni af sósunni og kartöflum. Mér finnst best að borða kjúklinginn með sætkartöflu-frönskum.
BELLE | Allt milli himins og jarðar http://www.belle.is/

-Heiðrún

Fljótlegar og ljúffengar samlokur

Í dag langar mig að deila með ykkur uppskrift af samlokum sem eru í uppáhaldi hjá mér. Þessar samlokur eru alls ekkert verri en þær sem maður fær á veitingastöðum, mér finnst þær eiginlega betri! Það er smá amerískt ívaf yfir þeim sem gerir þær nú ekki verri 😉 Fljótlegur matur sem þið verðið ekki fyrir vonbrigðum með, ég get lofað ykkur því!

IMG_5111

IMG_5112

IMG_5458
IMG_5459
IMG_5468

IMG_5469

IMG_5478

IMG_5480

IMG_5489

IMG_5490

IMG_5496

Fljótlega og ljúffengar samlokur
Skrifa umsögn
Prenta
Samlokur
  1. 2 roastbeef áleggsbréf
  2. 1/2 bréf silkiskorin skinka
  3. Tómatar
  4. 4 góð hamborgarbrauð (án sesam)
  5. Majónese
  6. 1 poki rifin ostur (ég hef notað rifinn gratínost)
Sósan
  1. 6 matskeiðar smjör (90 gr)
  2. 1 matskeið worchestersósa
  3. 2 matskeiðar púðursykur
Aðferð
  1. Skerið áleggin í litla bita og setjið í skál.
  2. Hrærið ostinn saman við áleggið.
  3. Smyrjið eldfast mót. Setjið neðri hluta brauðsins í mótið, smyrjið það með majonesi og raðið ca 4 sneiðum af tómat ofaná.
  4. Skiptið áleggsblöndunni og ostinum á brauðið.
  5. Setjið efri part af hamborgarbrauði ofan á og stingið í það með prjóni til að sósan leki betur ofaní brauðið
  6. Bræðið allt hráefnið í sósunni saman í litlum potti.
  7. Þegar sósan er tilbúin smyrjið henni þá ofaná samlokurnar.
  8. Hitið ofninn á 180 gráður
  9. Setjið samlokurnar inn í ofn í ca 15 mín eða þar til ostur er bráðnaður.
Annað
  1. Berið fram með frönskum.
  2. Ég tvöfalda uppskriftina af sósunni hér að ofan og ber hana fram með samlokunni í staðinn fyrir að búa til aðra tegund af sósu 🙂
  3. Annars er líka hægt að bera samlokuna fram með sýrðum rjóma sem blandaður er með worchester sósu, pipar og pönnukökusírópi, smakka sig bara til.
BELLE | Allt milli himins og jarðar http://www.belle.is/

-Heiðrún

Asískur kjúklingur

Í dag langar mig að deila með ykkur uppskrift af dýrindis kjúklingarétti. Það er mjög langt síðan ég birti svona alvöru mataruppskrift, er meira búin að vera að birta kökuuppskriftir síðustu mánuði. Ég eldaði þennan kjúklingarétt síðustu helgi og hann kláraðist upp til agna. Sósan er svo góð að ég hefði alveg getað sötrað á henni  úr skeið! Rétturinn er líka mjög auðveldur og fljótlegur 🙂 Njótið!

img_5429
img_5430
img_5434

img_5438

img_5440

img_5444

img_5448

img_5457

Asískur kjúklingur
Fyrir 4
Skrifa umsögn
Prenta
Eldunartími
15 mín
Eldunartími
15 mín
Hráefni
  1. 4 kjúklingabringur – skornar í tvennt, þvert á bringuna svo þær verði þunnar
  2. 2 matskeiðar olífuolía
  3. Salt og pipar
Sósan
  1. 1 og ½ bolli púðursykur
  2. 2/3 bolli soyasósa
  3. 4 matskeiðar Hoisinsósa
  4. 2 matskeiðar Sweet Chili sósa
  5. 1-2 matskeiðar engifer – rifin
  6. Dass af chiliflögum, smakkið til.
  7. 1 teskeið hvítlaukur – pressaður
  8. Safi úr einu lime
Aðferð
  1. Setjið öll innihaldsefninin sem eiga að vera í sósunni saman í skál og pískið vel.
  2. Skerið kjúklingabringurnar í þunnar sneiðar, þvert yfir.
  3. Hitið stóra pönnu á miðlungshita. Ég notaði djúpa pönnu.
  4. Hellið olífuolíu á heita pönnuna.
  5. Setjið kjúklinginn í pönnuna og kryddið með salti og pipar.
  6. Eldið kjúklinginn í nokkrar mínútur á hverri hlið eða þar til þær byrja að brúnast. Passið að kjúklingurinn sé eldaður alveg í gegn.
  7. Takið kjúklinginn af pönnunni og leggið til hliðar.
  8. Hellið allri sósunni í tóma pönnuna. Hitið þar til sósan fer að sjóða.
  9. Leyfið sósunni að sjóða við miðlungshita í 1-2 mínútur eða þar til sósan þykknar.
  10. Að lokum bætið þið kjúklingnum aftur í pönnuna og veltið honum upp úr sósunni áður en þið berið hann fram
Annað
  1. Berið fram með hrísgrjónum.
  2. Ég notaði sesam fræ og vorlauk til að skreyta réttinn.
BELLE | Allt milli himins og jarðar http://www.belle.is/

-Heiðrún

Jólakveðja og vinsælustu uppskriftir ársins 2016

Kæru lesendur, áður en ég vil óska ykkur gleðilegra jóla þá vil ég þakka kærlega fyrir mig! Fyrr á árinu, þegar ég samþykkti að verða hluti af Belle teyminu, bjóst ég aldrei við því að bloggið mitt myndi ganga svona vel! Það kemur mér stundum á óvart hversu margir hafa áhuga á að skoða uppskriftirnar mínar, mér finnst það svo ótrúlega gaman og ég er svakalega þakklát viðtökunum. Ég hlakka mikið til að deila með ykkur nýjum uppskriftum á komandi ári og vona að þið haldið áfram að njóta þeirra með mér 🙂 
Annars langar mig að deila með ykkur tíu vinsælustu færslum ársins 2016! Það var reyndar lítið sem kom mér á óvart þegar kemur að þremur efstu sætunum 😉

í 10. sæti var Dulce de leche ostakakan mín! Færsluna getið þið skoðað hér. Þessi kaka er enn þann dag í dag sú allra besta ostakaka sem ég hef smakkað! Get ekki mælt nógu mikið með þessari!
img_2033

Í 9. sæti var Daim Brownie, önnur virkilega góð kaka! Ef það er Daim í því, þá er það gott! 😉 Uppskriftina getið þið skoðað hér.
img_4045

Í 8. sæti var páskaleg piparmyntukaka! Uppskriftin er hér.
img_2332

Í 7. sæti var skinkusalatið mitt. Uppskriftin er hér. Þetta skinkusalat er í sérstöku uppáhaldi hjá mér, ég viðurkenni það að ég hef gerst svo djörf að borða það með skeið!
img_4460

Í 6. sæti voru beikonvöfðu kjúklingabitarnir sem ég gerði í sumar. Sjúklega góður fingramatur! Uppskriftina finnið þið hér.
img_4088

Í 5. sæti sæti var beikonbrauðið mitt. Það er í alvöru jafn gott og það hljómar! Mæli með! Uppskriftin er hér.
img_2712

í 4. sæti var alvöru kaloríubomba! Salt-karamellu súkkulaðikaka! Þessi kaka er algjör draumur, alveg hættulega góð og á svo sannarlega skilið að vera svona hátt á listanum! Uppskrifin er hér.
img_5057-copy

Í 3. sæti á listanum var konfektið mitt, með Hockey Pulver, salt-karamellu og piparmyntufyllingu! Ég er búin að heyra af svo mörgum sem eru búnir að búa til þetta konfekt fyrir jólin, vá hvað mér finnst það gaman! Sjálf er ég búin að fylla eitt box af konfekti með Hockey Pulver fyllingunni sem ég er að spara fram á aðfangadag og ætla þá að deila með fjölskyldunni. Uppskriftina af konfektinu má finna hér.
img_5205

í 2. sæti var hin klassíska og gamaldags karamellukaka. Ég bjóst aldrei við þessum vinsældum þegar ég setti uppskriftina inn en vá! Ég hef ekki tölu á því hversu oft henni var deilt! Þessi kaka er ein sú allra besta! Uppskriftin er hér.
img_1131

Þá er komið að vinsælustu uppskriftinni á blogginu mínu árið 2016! Í 1. sæti var dásamlegi saumaklúbbsrétturinn minn! Ég verð að segja að það kom mér ekki á óvart að sjá þennan rétt í fyrsta sæti. Ég birti uppskriftina frekar snemma á árinu en þrátt fyrir það hafa vinsældir hennar bara aukist þegar tíminn líður frekar en hitt. Þessi réttur er svo auðveldur en svo ótrúlega góður og hentar fullkomnlega í saumaklúbbinn eða bara í kvöldmatinn 😉 Uppskriftin er hér.
img_2145

 

Gleðileg jól kæru lesendur og hafið það sem allra best yfir hátíðirnar! 

Made with Repix (http://repix.it)

-Heiðrún

Beikonvafðir kjúklingabitar

IMG_4088

Þessi kjúklingur er snilld! Ég hef búið hann til bæði í kvöldmat og líka fyrir stærri veislur þar sem hann hefur alltaf slegið í gegn, það klikkar bara ekki að hann er alltaf fyrstur til að klárast! Tilvalinn fingramatur, til dæmis hægt að gera hann fyrir úrslitaleikinn á EM næsta sunnudag, ég gerði einmitt svona kjúkling þegar Ísland spilaði við Frakkland og eins og alltaf var hann fljótur að klárast 😉 Mjög auðvelt að minnka eða stækka uppskriftina. Njótið!

IMG_4053 IMG_4063 IMG_4068 IMG_4069 IMG_4071 IMG_4073 IMG_4076 IMG_4077 IMG_4084 IMG_4085 IMG_4096 IMG_4097 

Beikonvafðir kjúklingabitar
Skrifa umsögn
Prenta
Hráefni
  1. 4 kjúklingabringur
  2. 400 gr beikon
  3. 2 bollar púðursykur
  4. Dass af hvítlaukssalti
  5. Dass af cayenne pipar
  6. Dass af chili kryddi
Aðferð
  1. Kjúkingurinn er skorinn í bita.
  2. Hvert beikon er skorið í þrjá jafnstóra bita. Beikoni er vafið þétt utan um kjúklinginn og festur með tannstönglum.
  3. Setjið púðursykurinn í skál og hrærið kryddin við. Þið getið alveg sett öðruvísi krydd í púðursykurinn en kryddin sem eru í þessari uppskrift eru þau sem mér finnst best að nota.
  4. Kjúklingnum er síðan velt upp úr púðursykrinum. Ef það er auka púðursykur drefið honum þá yfir kjúklinginn áður en hann er settur í ofninn.
  5. Það er eiginlega nauðsynlegt að nota ofnplötu með grind. Það lekur fita af beikoninu og ef kjúklingnum er ekki raðað á grind þá eldast hann í fitunni. Ég mæli með því að setja álpappír undir grindina.
  6. Ofninn er hitaður í 180°C og kjúklingurinn er eldaður í 35 mínútur.
Annað
  1. Uppskriftin gefur ca 60 bita
Tekið úr 101 Cooking For Two
BELLE | Allt milli himins og jarðar http://www.belle.is/

-Heiðrún

Sesam kjúklingaleggir

Hér er önnur uppskrift sem ég birti í maí blaði Nýs Lífs. Þessir kjúklingaleggir eru æðislegir á grillið. Ég hef eiginlega ekki tölu á því hversu oft ég geri þessa leggi á sumrin, ég elska þá! Mér finnst best að bera þá fram með salati, hrísgrjónum eða sætum kartöflum og svo bý ég oftast til sósu úr grískri jógúrt. Njótið! 🙂 

IMG_2844 IMG_2848 IMG_2855 IMG_2863 IMG_2869

Sesam kjúklingaleggir
Uppskriftin er fyrir 8 kjúklingaleggi
Skrifa umsögn
Prenta
Hráefni
  1. 3 hvítlauksgeirar - pressaðir
  2. 4 msk sojasósa
  3. 3 msk fljótandi hunang
  4. 2 msk Dijon sinnep
  5. 2 tsk sesamolía
  6. 1 msk ólífuolía
  7. 1 msk sesamfræ
  8. Safi úr hálfu lime
Aðferð
  1. Öllu blandað saman í stóra skál, hrært vel.
  2. Kjúklingurinn er skorinn tvisvar sinnum á hvorri hlið, alveg inn að beini, þá er auðveldara að sjá hvenær leggirnir eru tilbúnir og mareneringin kemst betur inn.
  3. Kjúklingaleggirnir eru látnir liggja í mareneringunni í að minnsta kosti 2-3 klukkustundir.
  4. Leggirnir eru grillaðir við meðalhita. Snúið þeim við á grillinu á 3-4 mínútna fresti
BELLE | Allt milli himins og jarðar http://www.belle.is/

 -Heiðrún

Sumarleg pizza með reyktum laxi

IMG_2830

Uppskrift af þessari pizzu birti ég í maí blaði Nýs Lífs en þar sem nýtt júní blað er komið í búðir má ég loksins deila henni hér á síðunni. Þessi pizza er í einu orði sagt æði! Hún er frábrugðin þessum týpísku pizzum en samt er hún klárlega ein sú besta sem ég hef smakkað. Pizzan er alveg tilvalin á sumarkvöldum, í sumar ætla ég að prófa að grilla pizzabotninn í staðinn fyrir að elda hann í ofninum. Ég nota líka oft reyktan silung á hana og finnst það alls ekkert verra. Mæli klárlega með þessari. Njótið! 🙂 
IMG_2789 IMG_2795 IMG_2800 IMG_2803 IMG_2807 IMG_2824

Sumarleg pizza með reyktum laxi
Skrifa umsögn
Prenta
Pizzabotn
  1. 250 gr hveiti
  2. Hálfur poki ger (ca 6 gr)
  3. Hálf tsk salt
Ofan á pizzuna
  1. Rjómaostur með hvítlauk (lítil askja)
  2. Reyktur lax
  3. 1 avacado
  4. ½ rauðlaukur
  5. Sítrónubörkur
  6. Graslaukur
  7. Pipar
Aðferð
  1. Gerið er sett í volgt vatn í ca. 10 mínútur eða þar til það freyðir.
  2. Hveiti, geri og salti er blandað saman og látið hefast í 20-30 mínútur
  3. Pizzabotninn er eldaður alveg sér inn í ofni þar til hann er orðinn stökkur og fallegur á litinn.
  4. Þegar botninn er orðinn kaldur er hvítlauksrjómaostinum smurt á.
  5. Því næst er reyktum laxi raðað fallega á pizzabotninn.
  6. Rauðlaukur og avacado eru skorin í bita og raðaða á pizzuna.
  7. Graslaukurinn er skorinn í litla bita og er, ásamt sítrónuberki, dreift á pizzuna.
  8. Að lokum fer piparinn á pizzuna.
BELLE | Allt milli himins og jarðar http://www.belle.is/

IMG_2832
  -Heiðrún

 

 

Fylgdu okkur á


Follow