Eldri færslur eftir merkjum fyrir heimili

Heimsókn til Malmö: Airplant

Færslan er ekki kostuð

Það var aukafrídagur núna síðasta föstudag hér í Danmörku og við hjónaleysin gerðum okkur glaðan dag og skruppum yfir til Malmö og áttum yndislega tíma þar í sólinni. Malmö var mikið minni en ég bjóst við, svolítið eins og að koma frá Reykjavík til Akureyrar ef þið þekkið þá tilfinningu. Ég hef aldrei farið í Lagerhaus og mig langaði brjálæðislega mikið að kíkja í hana og skoða úrvalið. Það var rosalega mikið fallegt til en það kom mér á óvart að hún var aðeins dýrari en ég bjóst við. Svona Söstrene Grene gæði en aðeins dýrari.

Ég kom samt ekki tómhent út (þó ég hefði getað keypt miklu meira) en mig langaði að sýna ykkur þessa fallegu plöntu og vasa sem ég keypti. Þetta er ein furðulegasta planta sem ég hef séð held ég barasta! Hún er á lífi en þegar ég keypti hana þá kom hún bara í glærum lokuðum plastkassa bara eins og hver annar hlutur. Plantan heitir Pohliana og hún hvílir sig bara svona í vasanum og þarf ekkert meira en að vera úðuð með vatni einu sinni í viku.

Ég skil ekki hvernig hún lifir en það á hún víst að gera en mér finnst hún alveg óttalega falleg og hún tekur sig svo vel út í vasanum. Elska!

Fyrir áhugasama þá finnið þið vasann HÉR.

-RH / @rannveigbelle

Púðurbleikt í HM HOME

Hef alltaf verið hrifin af pastellitum og veit að ég verð ekki sú eina sem fell fyrir þessum púðurbleika lit sem er allsráðandi í nýjustu innréttingarvörum H&M Home. Læt myndirnar tala sínu máli og veita ykkur innblástur fyrir heimilið! Allar myndirnar eru fengnar af síðu H&M

Auður

Èg er einnig á Facebook. Endilega fylgið mér og mínum framtíðarbloggum þar!

 

Nýi „gamli“ vasinn minn: Flóamarkaðskaup

Það sem ég var lukkuleg með mig í gær! Haldiði að ég hafi ekki bara rekist á Vintage Avena vasa frá Iittala þegar ég skrapp í „Góða hirðinn“ hér í Herlev í gær! Mig grunar að þær sem eru að sjá um verslunina hafi ekki vitaða að þetta var Iittala vasi þar sem hann var ekki læstur inni í glerskáp með öllum hinu „merkjavörnum“ en Iittala augað mitt var ekki í nokkrum vandamálum með að greina það. Ég veit ekki hvort að það er jákvætt eða bara sorglegt…🤔

Avena vasinn er hannaður árið 1968 af Tapio Wirkkala sem er sá sami og hannaði Ultima Thule línuna frá Iittala en vasinn er hættur í sölu og fæst því ekki lengur. Ég er því fáránlega glöð að ég hafi komið auga á hann á miðju borðinu með glermunum og hann kostaði mig ekki nema 80kr danskar sem er sirka 1400 kall íslenskar! Núna þarf ég bara að finna einhvern fallegan stað fyrir hann 🙂

-RH / @rannveigbelle

Dreymir um: Gluggasæti

Smellið á myndirnar til að stækka þær

Það er eitthvað við svona týpískt haustveður sem fær hugann min til að reika á hverju einasta ári og alltaf byrjar mig að dreyma um hið fullkomna gluggasæti. Mér finnst tilhugsunin við það að sitja á bekk í glugganum og horfa á veðrið, hlusta á rigninguna með góða bók í hönd og heitt súkkulaði við hliðina á mér alveg einstaklega heillandi og ef ég verð einhverntíman svo heppin að geta eignast eitt svoleiðis sæti þá mun ég sko verða glöð!

Ég tók saman nokkrar innblástursmyndir fyrir þá sem vilja láta sig dreyma með mér um hið fullkomna gluggsæti en mér er svo sem alveg sama hvernig mitt myndi líta út svo lengi sem að dýnan væri mjúk og ofan á henni væri nóg af teppum og koddum!

-Rannveig H.

Fylgdu mér á Facebook til að fá nýjustu færslurnar beint í æð!

 

 

Fylgdu okkur á


Follow