Eldri færslur eftir merkjum fyrir Heima

Heimsókn til Malmö: Airplant

Færslan er ekki kostuð

Það var aukafrídagur núna síðasta föstudag hér í Danmörku og við hjónaleysin gerðum okkur glaðan dag og skruppum yfir til Malmö og áttum yndislega tíma þar í sólinni. Malmö var mikið minni en ég bjóst við, svolítið eins og að koma frá Reykjavík til Akureyrar ef þið þekkið þá tilfinningu. Ég hef aldrei farið í Lagerhaus og mig langaði brjálæðislega mikið að kíkja í hana og skoða úrvalið. Það var rosalega mikið fallegt til en það kom mér á óvart að hún var aðeins dýrari en ég bjóst við. Svona Söstrene Grene gæði en aðeins dýrari.

Ég kom samt ekki tómhent út (þó ég hefði getað keypt miklu meira) en mig langaði að sýna ykkur þessa fallegu plöntu og vasa sem ég keypti. Þetta er ein furðulegasta planta sem ég hef séð held ég barasta! Hún er á lífi en þegar ég keypti hana þá kom hún bara í glærum lokuðum plastkassa bara eins og hver annar hlutur. Plantan heitir Pohliana og hún hvílir sig bara svona í vasanum og þarf ekkert meira en að vera úðuð með vatni einu sinni í viku.

Ég skil ekki hvernig hún lifir en það á hún víst að gera en mér finnst hún alveg óttalega falleg og hún tekur sig svo vel út í vasanum. Elska!

Fyrir áhugasama þá finnið þið vasann HÉR.

-RH / @rannveigbelle

Allt er vænt sem vel er grænt

1-3

Ég fór í Ikea/nýja heimilið mitt í gær því mig vantaði að kaupa hitt og þetta fyrir íbúðina sem ég var að flytja í. Það vantaði nauðsynlega eitthvað grænt inn í hana til að koma með smá líf í ýmis horn og því ákvað ég að kíkja á plönturnar sem voru í boði. Ég kíkti á þær um daginn og þá var voðalega lítið úrval en mér til mikillar gleði var greinilega komin ný sending svo úr nógu var að velja! Ég keypti mér tvennar plöntur og svo skemmtilega vill til að þær voru báðar á 50% afslætti takk fyrir pent. Stykkið kostaði bara 550 kall 🙂

1-4-1024x682

Ég keypti mér plöntuna sem þið sjáið hér fyrir ofan því að blöðin hennar heilluðu mig alveg upp úr skónum. Ég þurfti því ekkert að velja hvort ég vildi plöntu með dökkum eða ljósum laufum því þessi var svona tveir fyrir einn. Plantan mun verða mikið hærri þegar hún vex en ég er eiginlega að vona að þar sem ég setti hana í svo lítinn pott að hún stækki ekki mikið og haldi áfram að vera svona lítil og krúttleg.

212

Þetta er hin plantan sem ég keypti. Það leyndust reyndar tveir laumufarþegar í moldinni hennar svo ég skolaði moldina alla af og er að halda plöntunni í einangrun frá hinni þar til ég sé hvort einhverjir fleiri birtast.

1-5

Laufin á þessari heilluðu mig líka því þau eru svo allt allt öðruvísi en á hinni plöntunni hér fyrir ofan. Þessi mun líka hækka og hún má það alveg mín vegna. Það var hægt að kaupa stærri útgáfur áf báðum plöntum en þær voru þá dýrari og ekki á afslætti (að mig minnir). Ég gat því séð hvernig stærri útgáfan af þessari plöntu leit út og hún var virkilega falleg svo þessi fær leyfi til að stækka hjá mér 🙂

Ég hef ekki hugmynd um af hvaða tegund plönturnar eru því það stendur ekkert á pottunum á plöntunum í Ikea. Mér finnst að þeir megi klárlega laga það en ef einhver lesanda minn veit hvað þessir „græðlingar“ heita þá megið þið endilega láta mig vita 🙂

117

Vonandi munuð þið eiga góðan sunnudag elsku fólk og náið að slaka vel á . Ég mun eyða deginum í lærdóm við þessar fallegu rósir. Það gæti svo sem verið verra 🙂

-Rannveig H.

 

Fylgdu okkur á


Follow