Rannveig

Færslan er ekki kostuð -pokan keypti ég mér sjálf

Það er ótrúlegt hvað tískan gengur í hringi – þó að ég haldi nú að þetta sé orðin meiri tíska núna þar sem þetta var bara nytjahlutur í gamla daga. Netapokar eins og þessi sem þið sjáið á myndinni hér fyrir ofan eru út um allt og allstaðar í tískublöðunum núna sem og á Instagram og í búðum. Í gamla daga voru þessir pokar nú bara notaðir sem ósköp venjulegir innkaupapokar en núna í dag er þetta ákveðið fasjon statement ef svo má að orði komast 😉 Ég allavega kom auga á nokkra liti af þessum fallega netapoka í Söstrene Grene um daginn og keypti mér þennan gráa en hann kostaði mig í kringum 400 krónur íslenskar. Pokarnir komu í að mig minnir 4 litum: gráum, grænum, bleikum og bláum. Mig langar lúmskt bæta við mig bláa og bleika- hugsa að ég geri það bara því það er furðu þægilegt að setja matvörurnar í hann þegar ég kaupi inn! Svo er hann líka bara svolítið töff! Ég heyrði síðan í Söstrene Grene heima á Íslandinu góða (sem ég væri nú alveg til í að fara að heimsækja bráðum) og pokinn er til þar fyrir áhugasama 🙂

-RH / @rannveigbelle

0 athugasemdir

Skildu eftir athugasemd

Netfangið þitt mun ekki vera birt

 

Fylgdu okkur á


Follow