Katrín

Takk fyrir mig kæru lesendur og samstarfsaðilar!

//English below

Það er ár síðan ég byrjaði að blogga á belle.is en fyrsta færslan mín var birt þann 1. janúar 2017. Síðan þá hef ég skrifað og birt 73 færslur!

Mér finnst ekkert skemmtilegra en að deila með ykkur vangaveltum og hugmyndum hér á blogginu og á Instagram!

//It´s been a year since I started blogging here at belle.is. My first blog came out January 1, 2017. Since then I´ve published 73 blogs! Nothing makes me happier that writing interesting blog posts and sharing my thoughts and my life with you guys. Both here and on Instagram.

 

Þrátt fyrir að vera aðeins búin að blogga i ár þá hef ég unnið með ótrúlega flottum merkjum og fyrirtækjum. Ég vanda valið mjög vel þegar kemur að samstarfi og ég er stolt af öllum þeim verkefnum sem ég hef unnið í. 

//I´ve only been blogging for a year but I´ve had so many great partnerships with many different companies. I am proud of them all and so thankful.  

– Snyrtistofan Fegurð
– MUNUM dagbók  
– Mamma veit best
– Fitsuccess
– Sally Hansen
– Paula´s Choice
– Kompaníið
– Betri Svefn
– Pampers
– Nivea
– Forlagið
– Zik Zak
– Heimkaup
– PEI
– Special K
– Ghostlamp

Takk fyrir samstarfið á árinu sem er að líða!
//Thank you so much!

 

Árið 2017 er búið að vera algjört ævintýrir. Er búin að ferðast mikið, kynnast nýju fólki, eignast nýja vini og prófa nýja hluti.
Ég er búin að ýta mér langt út fyrir þægindarammann mörgum sinnum á þessu ári, sem er gott því öðruvísi þroskast maður ekki. Hef labbað á marga veggi, tekið margar vitlausar ákvarðanir, tekið margar réttar ákvarðanir, verið til staðar fyrir fólkið mitt, lesið 40 bækur, brosað, grátið, hlegið og hugsað.

//The year 2017 has been amazing. I´ve travelled a lot and met interesting people along the way. I´ve made new friends and pushed myself out of my comfort zone countless times, which is a good thing because otherwise you don´t grow.

The choices I´ve made this year have both been good and bad. I´ve laugh a lot and cried a little. But I was able to reach my book goal but this year! 40 books 🙂

 

Til ykkar kæru lesendur! Þá langar mig að þakka ykkur kærlega fyrir samfylgdina á árinu. Það eruð þið sem haldið mér við efnið og hvetjið mig til þess að halda áfram að skrifa og skapa.

Hlakka til að kynnast ykkur betur á nýju ári!
Gleðilegt nýtt ár!

//To my dear readers, I want to thank you so much for everything. You guys are the reason I am writing and creating my content. You keep me focused  and I am so grateful.

Happy new year everyone!

 


Katrín Bjarka
Fylgdu mér á Instagram @katrin.bjarka

 

Jóla neglurnar mínar!

Ég fékk þá skyndiákvörðun í vikunni að hressa aðeins uppá neglurnar mínar. Ég hef alltaf verið með frekar þunnar neglur, sem að brotna auðveldlega. Ég vissi að ég væri ansi bjartsýn að fá tíma hjá naglafræðing svona korter í jól, en það hafðist!

Ég hafði samband við Naglameistarann í Hfn og það vildi svo til að ein hafði afbókað sig þannig að ég komst að.

Naglafræðingurinn sem ég fór til heitir Andrea og hún gerir acryl neglur, sem var akkurat það sem ég vildi. Á jólunum verða rauðir tónar oftast fyrir valinu en ég ákvað að fara í aðeins bleikari lit sem mér fannst henta mér betur, hann heitir Wanna Dance og er nr. 46.

Svo fékk ég mér glimmer á baugfingurinn svona til þess að poppa þetta aðeins upp. Ég er svo ótrúlega sátt með útkomuna!

Ég mæli klárlega með Andreu hjá Naglameistaranum, ég er allavega búin að panta mér tíma í lagfæringu eftir 4 vikur. Annars voru þær nokkrar að vinna þarna og ég sá ekki betur en að þær væru allar ótrulega flinkar í þessu fagi.

Það þarf ekki mikið til að gleðja 🙂


Katrín Bjarka
Fylgdu mér á Instagram @katrin.bjarka

 

Fullkomin peysa fyrir veturinn úr Zöru!

Úrvalið í Zöru hefur aldrei verið flottara! Kannski er það vegna þess að tískan núna er minn stíll út í gegn. Víðar peysur og íþróttabuxur!

Ég hefði getað keypt alla búðina, mátaði 10 flíkur en aðeins tvær fengu að koma með mér heim. Í þetta skiptið allavega, er að fara aftur að versla í vikunni! Það eru nefnilega jól………

En peysan sem ég keypti mér var ást við fyrstu sýn. Ótrúlega mjúk, þægileg og síð. Tók hana í medium til að hafa hana extra víða og kósý. Mér fannst flest fötin þarna vera á virkilega góðu verði, en þessi peysa var rétt undir 5000 krónum.

 

Ég keypti mér dökkbláa, er búin að vera hrifin af bláu núna uppá síkastið. Það voru til fleiri litir, svartur, grár, ljós blár og gulur meira að segja. Mér finnst liturinn og efnið sjást mjög vel á myndinni hér fyrir ofan. Sjáið þið hvað hún er mjúk?

 

Peysan er nægilega síð til að vera í leggings við, sem er mikill kostur! Mæli með að þið kíkið í Zöru í Smáralind. Ef þið viljið næla ykkur í eina svona kósý peysu fyrir veturinn þá sýndist mér vera nóg til og mikið úrval af allskonar!

 

 

 

 

 

 

 

 

 

 

 

 

 

 

 

 

 

 

 

 


Katrín Bjarka
Fylgdu mér á Instagram @katrin.bjarka

Skipulagið á Sunnudögum

Sunnudagar eru skipulagsdagar á mínu heimili.

Þegar börnin er komin í ból þá setjumst við foreldrarnir niður og förum yfir verkefni næstu viku og berum saman bækur okkar.

Það er mjög mikilvægt að skrifa þetta niður og mér persónulega finnst best að gera það á gamla og góða mátann, í bók.

Við erum bæði í mjög sveigjanlegu starfi og ég í námi. Ég er oft að mæta á fundi eða vinna verkefni í tengslum við bloggið og hann tekur að sér aukavinnu á kvöldin og stundum um helgar. Þannig að engin vika er eins. Getur verið erfitt fyrir rútínumanneskjuna mig en með góðu skipulagi er hægt að láta hlutina ganga upp.

 

Markmið vikunnar
(Hér skrifa ég niður hvaða skref ég þarf að taka í þessari viku til að færa mig nær mínum langtímamarkmiðum. Ásamt einhverju sem er basic)

– Passa uppá mataræði
– Mæta daglega á æfingu
– Klára jólagjafir
– Skila af mér þremur bloggfærslum
– …og ýmislegt annað sem ég þarf að gera.

Persónuleg markmið vikunnar
(Hér reyni ég að skora á sjálfan mig og breyta einhverjum vana eða hegðun til hins betra)

– Banna síma inn í svefnherbergi
– Sýna börnunum mínum þolinmæði og hlusta betur á þau
– Klára bókina sem ég byrjaði á
– Fara snemma að sofa
– …og bara hvað sem mér dettur í hug.

Verkefni vikunnar
(Allt sem ég þarf að gera til að ná markmiðum mínum og láta vikuna ganga sem best)

– Kaupa í matinn á mánudaginn og skipuleggja kvöldmat
– Þvo útifötin af krökkunum
– Mæta á fund og taka myndir fyrir verkefni
– Taka stelpudag með Írisi Rut og versla jólagjafirnar
– Fara í nudd
– …og hér getur ýmislegt bæst við

10 mínútna verkefni vikunnar
(Hér skrái ég niður öll þessi litlu verkefni sem hanga á manni)

– Senda bankanum e-mail
– Afpanta tíma fyrir Alexander
– Skella í event á FB
– Borga reikninginn
– …og síðan bæti ég við þennann lista þegar líður á vikuna.

Hvaða þrjú orð lýsa mér best í þessari viku?
(Svo gott að velja sér þrjá kosti til að hafa bak við eyrað í hverri viku)
Frumleg, þolinmóð, einbeitt

Fyrir hvað er ég þakklát?
(Gotta að minna sig á daglega hvað maður er þakklátur fyrir)
Fólkið mitt & heilsuna

Förum einbeitt og kraftmikil inn í þessa viku kæru lesendur.
Ótrúlegt að það séu aðeins 3 vikur eftir af þessu ári!

 


Katrín Bjarka
Fylgdu mér á Instagram @katrin.bjarka

 

Augnkremið frá Paula´s Choice

Mér fannst aldrei nauðsynlegt að nota augnkrem hér áður fyrr í minni daglegu rútínu. Það var ekki fyrr en ég eignaðist barn númer tvö þar sem ég áttaði mig á að nú þyrfti ég að gera eitthvað. Held ég geti þó ekki kennt Alexander alfarið um nýjar hrukkur en ég ætla samt að reyna það.

Afhverju að nota augnkrem?

Augnkrem eru séstaklega hönnuð fyrir svæðið í kringum augun, því það svæði er allt öðruvísi en restin af andlitinu. Húðin þar er miklu þynnri og viðkvæmari. Það er ekki óalgengt að fólki taki eftir fyrstu öldrunarmerkjunum í kringum augun.

Augnkrem eru ekki bara fyrir konur sem eru 60 + eins og sumir gætu haldið.  Sjálf byrjaði ég að nota augnkrem endrum og eins í kringum 25 ára aldurinn þegar ég vann í snyrtivöruverslun. Augun og svæðið þar í kring kemur alltaf upp um okkur.

Til ykkar kæru mæður sem hafið ekki sofið í milljón ár og eruð alltaf með veik börn heima. Ég skora á ykkur að bæta augnkremi í ykkar húðrútínu, það bjargar ekki öllu en persónulega sé ég mun.

Hvaða krem er ég að nota?

Undafarið hef ég verið að nota augnkrem frá Paula´s Choice sem heitir RESIST Anti-Aging Eye Cream.

,, Einstaklega nærandi og milt augnkrem sem mýkir húð og bindur raka á öflugan hátt og er því sérlega hentugt fyrir þá sem kljást við þurrt augnsvæði.  Inniheldur fjölmörg andoxunarefni, peptíð, húðgræðandi efni og shea butter sem saman vinna að því að draga úr fínum línum kringum augu og gera húðina stinnari.  Sérhannaðar umbúðir tryggja að virkni og ferskleiki innihaldsefna sé í hámarki.  Hentar öllum húðgerðum og öllum aldri.  Án ilm- og litarefna “

Ég hef verið að díla við  leiðinlegan þurrk við augnkrók og það er ferlega ljótt þegar meik eða BB krem fer í þurrkubletti. Þess vegna nota ég þetta krem á morgnana undir farða og stundum nota ég það á kvöldin fyrir svefn. Þetta er eina kremið sem ég nota á augnsvæðið. Þegar ég ber á mig serum eða dagkrem, þá forðast ég að setja það undir augun.

Mundu, að þú þarft að nota mjög lítið magn af augnkremi í hvert skipti. Lítill dropi er nóg!

Ég hef mikið verið að nota vörurnar frá RESIST línunni sem eru séstaklega hannaðar til að vinna á móti öldrunarmerkjum.

Ég er alls ekki hrædd við að eldast, en ég vil samt hugsa vel um húðina mína í leiðinni.

Afhverju Paula´s Choice?

DropperAf því að hver einasta vara er hönnuð með það í huga að vinna á sértækum húðvandamálum. Hvort sem þú ert að berjast við óvelkomnar hrukkur eða feita og bólótta húð þá ættir þú að geta fundið lausn hjá Paula´s Choice. Úrvalið er mikið og því borgar sig að fá ráðgjöf sérfræðings.

,,Þessi gagnsemi er rökstudd með því að vísa í heimildir við hverja vöru, rannsóknagreinar sem birst hafa í virtum fræðitímaritum um húðsjúkdómafræði, lyfjafræði, lífefnafræði o.s.frv.  Þetta eru óháðar rannsóknir sem sýna fram á að tiltekin efni hafi góð áhrif á starfsemi húðar eða dragi úr tilteknum húðvandamálum.“ – Tigerlily.is

ProductgroepAf því að pakkningarnar eru hannaðar með það í huga að vernda vöruna sem best, fyrir sólarljósi og sýklum. Það er því aðalega notast við ógegnsæaar túpur eða pumpur. Þetta skiptir mig miklu máli. Ég þoli ekki krem í krukkum þar sem ég þarf að fara með puttana ofaní eða notast við sérstaka sköfu sem fylgir með. Þar hafa bakteríur greiða leið ofan í rándýra kremið mitt!

Af því að öllum gagnslausum efnum er sleppt. Engin ilmefni, engin litarefni og ekkert alkahól.

Leaping-BunnyAf því að vörurnar eru ekki prófaðar á dýrum. Þetta skiptir mig alltaf máli og á að skipta þig máli líka! Við viljum ekki kaupa vörur sem eru prófaðar á dýrum – aldrei!

 

Vörurnar frá Paula´s Choice eru fáanlegar í vefversluninni Tigerlily.is.

 


Katrín Bjarka
Fylgdu mér á Instagram @katrin.bjarka

Myndataka hjá Eiríki Inga

Mér fannst tilvalið að panta tíma í fjölskyldumyndatöku fyrir jólin enda einn fjölskyldumeðlimur búinn að bætast við síðan seinast. Ég hafði heyrt góða hluti um Eirík Inga og hafði því samband við hann. Við vorum aðalega að hugsa um systkinamyndatöku og kannski eina af okkur öllum.

Þegar maður fer í myndatöku með eina 4 ára og annan 15 mánaða getur allt gerst! Börnin mín eru bæði súper feimin og hafa ekki mikið álit á ókunnugum. Ég krossaði putta og vonaði það besta.

Eiríkur Ingi er með æðislega aðstöðu í Grafarvoginum. Hann tók á móti okkur á slaginu 10 og bauð okkur velkomin. Andrúmsloftið var áreynslulaust en krakkarnir voru varkár og ætluðu ekki að láta plata sig út í neitt. Ég get hinsvegar sagt ykkur það að Eiríkur Ingi er einn mesti fagmaður sem ég hef hitt. Hann gaf sér góðan tíma til að tala við krakkana, grínast, hlæja, brosa og leika. Á augabragði var hann búinn að vinna sér inn traust þeirra og þau farin að njóta sín í studio-inu. Mér þótti ótrúlega vænt um að sjá hversu hlýlegur hann var við þau sem gerði það að verkum að ég slakaði á og gat notið mín betur. Við mömmurnar eigum til með að stressast upp við svona tilefni, þið hljótið að þekkja það sumar.

Ég er ótrúlega ánægð með myndirnar og valið var erfitt. Innifalið í verði voru 5 myndir, en við keyptum 4 auka. Mögulega mun ég bæta við fleirum seinna meir.

Ég brosi hringinn þegar ég horfi á þessar myndir. Ég leyfði Írisi Rut að velja fötin sín sjálf vegna þess að þannig líður henni best og svo ákvað ég að hafa Alexander bara kósý. Mér finnst algjör óþarfi að flækja myndatökur með einhverjum smáatriðum. Börn eru börn og þannig eiga þau að vera.

Ég mæli 100% með Eiríki Inga og mun klárlega fara til hans aftur. Hann er með FB síðu sem þið getið séð HÉR en ég pantaði tíma í gegnum hana. Hann er líka með vefsíðuna Eirikuringi.is .

//Færslan er ekki kostuð
//Færslan er ekki samstarf


Katrín Bjarka
Fylgdu mér á Instagram @katrin.bjarka

Instagram: Myndirnar sem engin sér

Instagram er uppáhalds og ég vinn ótrúlega mikið með þann miðil. Þar pósta ég myndum reglulega og deili með ykkur einhverju skemmtilegu og áhugaverðu á Instastory daglega. Afhverju er ég að þessu? Til að fá útrás fyrir sköpunargleðina. Ég er menntuð í kvikmyndagerð og leiklist og hef óstjórnlega þörf til að skapa og segja frá.

Við sem erum virk á Insta vitum að á bakvið eina góða mynd sem við deilum með fylgjendum eru að minnsta kosti 30 vondar, ef ekki 100. En þær sýnum við engum.

Mér finnst við ættum að breyta því…. sýnum allt þetta fyndna líka. Hættum að reyna að vera fullkomin eða eins og aðrir vilja að við séum og hlæjum aðeins meira.

Ég hafði mjög gaman að því að fara í gegnum þessar myndir. Myndirnar sem engin hefur fengið að sjá en eru algjörir gullmolar hver og ein!

Framveigis verður þetta fastur liður hér á blogginu ….

HEIT KAKÓ HEIMA
Heitt kakó heima, á köldu vetrarkvöldi.

INSTAGRAM = HOT CHOCOLATE TIME


PAMPERSHERFERÐ
Við stóðum okkur vel á öllum 100 myndunum sem teknar voru.

 INSTAGRAM = HOW CUTE IS MY HANDSOME LITTLE GUY


FYRSTA KLIPPINGIN
Nýkomin úr klippingu sæt og fín. Þess má geta að Íris Rut klippti sjálf bút úr toppnum sínum tveimur tímum eftir að þessi mynd var tekin.

INSTAGRAM = FIRST HAIRCUT TODAY! THEY DID AMAZING…PICS ON MY BLOG.


SERÍUSTELPAN
Við Íris Rut vorum að skreyta. Ég bað hana um að pósa með seríuna.

INSTAGRAM = MY CHRISTMAS GIRL


Myndasyrpan
Að lokum ætla ég að deila með ykkur myndasyrpunni sem ýtti mér útí þetta blogg. Hér ætlaði ég að reyna að taka fallega mynd af mér með krökkunum. Í staðin fyrir að deila hinni fullkomnu mynd á Instagram þá setti ég þessa syrpu í Story hjá mér og hló.

  

INSTAGRAM = LET YOUR KIDS BE THEMSELVES AND JUST WATCH…….


Katrín Bjarka
Fylgdu mér á Instagram @katrin.bjarka

 

Bohemian stíll frá Asos

Nýjustu kaupin frá Asos, hver elskar ekki svoleiðis færslur?

Ef ég ætti að lýsa fatastílnum mínum í einu orði þá væri það: Þægilegur…..

Það er rúmt ár síðan ég ákvað að hætta að klæðast fötum sem mér finnst ekki þægileg. Má þar nefna gallabuxur, en það virðist vera sem öllum líði vel í gallabuxum nema mér.

Mér líkar afar vel við netverslanir og þá séstaklega Asos því þeir senda heim að dyrum og eru með glæsilegt úrval af fötum og fylgihlutum frá hinum ýmsu merkjum.

Ég keypti mér nýlega þennann fallega Kimono! Ég elska Kimono því það skiptir engu máli í hverju þú ert undir (svona næstum því) og hann virkar við öll tilefni.

(hversu krúttlegar fætur eru þarna hægra megin á myndinni)

Kiss The Sky Maxi Kimono With Metal Ring Trim In Romantic Rose Print

£45.00

Ef þið viljið skoða þessa dásemd þá er hægt að gera það HÉR.

Ég er ótrúlega hrifin af Bohemian stíl uppá síkastið! Ertu þú á sama máli?

Kíktu þá á Free People á Asos HÉR.

Uppáhalds merkið mitt 🙂


Katrín

  Þú finnur mig á Instagram & facebook

 

Treystu mér, ég veit ýmislegt um augnháralengingar!

Ertu að spá í að prófa augnháralengingar fyrir jólin? Ef svo er þá skaltu halda áfram að lesa…..

Ég hef ágætis reynslu af þessum lengingum. Ég hef farið víða og prófað margar gerðir. Mig langar til að spara þér tíma og peninga og segja þér hvert þú átt að fara og við hverju þú átt að búast.

Þegar ákvörðun hefur verið tekin þá……

Í fyrsta lagi, eru tvær dömur í þessum bransa sem gera þetta vel. Það er Inger sem er eigandi stofunnar Beauty By Inger. Hún er staðsett á hárgreiðslustofunni Traffic í Holtagörðum. Síðan er það hún Þórey sem er snyrtifræðingur á Blue Lagoon Spa í Glæsibæ. Gaman að segja frá því að þessar tvær störfuðu eitt sinn saman á stofunni Makeover í Hafnafirði.  Ekki taka neina sénsa, haltu þig við þessar dömur og þú verður ekki fyrir vonbrigðum.

* Ég hef prófað nokkrar stofur og í eitt skiptið gekk ég út eins og dragdrottning.Þannig að vandaðu valið vel vinkona!

Í öðru lagi, þá fer þetta ekki illa með þín eigin augnhár. Ég var með lengingar ,,straight“ í 2 ár. Þegar ég lét fjarlægja þær þá voru mín augnhár öll á sínum stað. En þau vísuðu niður, enda búin að bera gervihár í langan tíma. Það var samt mjög fljótt að jafna sig. Augnháralengingar virka þannig að stök augnhár eru límd á þín eigin. Þú getur valið um lengd og þykkt háranna. Ég er alltaf pínu öfgakennd þegar kemur að þessu og er með stærð 12 (minnir mig, læt Inger sjá um þetta)!

Í þriðja lagi, þá er nauðsynlegt að hugsa vel um hárin og fylgja ráðleggingum. Ég t.d. nota ekki maskara dagsdaglega þegar ég er með lengingar. Það er algjör óþarfi (en það má). Ég greiði í gegnum hárin á morgnana með hreinum augnhárabursta og alltaf eftir sturtu. Þú mátt ekki nudda augun eða líma gerviaugnhár yfir lengingarnar (ég gerði það einu sinni og fékk skammir) 😉 Reyndu líka að forðast að sofa á andlitinu, það er svosem ekki gott fyrir neinn.

Í fjórða lagi, þá máttu ekki nota neinar vörur með olíu því það leysir upp límið.

Í fimmta lagi, þá þarftu að fara reglulega í lagfæringu. Það er svo misjafnt hjá mér, stundum fer ég á þriggja vikna fresti og stundum læt ég líða fjórar vikur. Hef verið með lengingar í 6 vikur án þess að laga! Fór samt til Spánar í sjóinn og ég veit ekki hvað og hvað. Þegar það er komin tími á lagfæringu þá byrja ég að nota maskara til að fela.

Á myndinni er ég nýkomin úr lengingu, enginn maskari. 

Það tekur sirka 60-90 mínútur að fá nýtt sett. Lagfæring tekur 30-60 mínútur en þá eru öll laus hár tekin og ný hár sett þar sem vantar.

Það er alls ekki vont að fá augnháralengingar og þú finnur ekki fyrir því að vera með þetta á þér. Kannski fyrst, en það venst fljótt.

Hjá Inger kostar nýtt sett 11.900 kr og lagfæring 7000-9900 kr (fer eftir því hve mikið þarf að laga).

Mér finnst þetta algjör snilld t.d. um jólin þegar ég er á leiðinni í mörg matarboð og nokkur jólahlaðborð. Þá sparar þetta mér tíma og fyrirhöfn. Mér finnst gaman að því að ,,poppa“ aðeins uppá útlitið svona um hátíðarnar.

Ef þú vilt skoða myndir af lengingum eftir Inger þá skaltu kíkja á FB síðuna hennar HÉR.

Ég vil samt taka það skýrt fram
……að mér finnst alls ekki nauðsynlegt að vera með augnháralengingar. Ég er ekki að fá mér þetta til að fullnægja útlitsdýrkun samfélagsmiðla. Mér finnst ég alveg jafn sæt og falleg hvort sem ég er ómáluð með mín eigin augnhár eða máluð með lengingar. Ungar stelpur verða að átta sig á því að allt svona extra glingur er ekki nauðsynlegt til að líta vel út! Stelpur eru samt alltaf stelpur og við höfum margar hverjar áhuga á einhverju svona. Vertu samt vakandi fyrir því á hverju ykkar ákvörðun byggist. En það er allt í lagi að hafa gaman að þessu og taka hlutunum ekki of alvarlega 🙂


Katrín

  Þú finnur mig á Instagram & facebook

 

 

 

Fylgdu okkur á


Follow