Katrín

Hárlengingar frá Traffic!

Myndir segja meira en þúsund orð….

Fyrir/eftir

Ég fór í hárlengingar hjá Auði á hárgreiðslustofunni Traffic. Ég er þrælvön hárlengingum og hef í gegnum árin eingöngu verið með lokka.

En allt í einu fékk ég ógeð af lokkunum og frétti þá af því að hún Auður væri að vinna með lengjur og algjört gæða hár. Ég var ekki lengi að bóka tíma!

Ég hafði samband við hana í gegnum Facebook og fékk tíma strax í sömu viku sem var mjög hentugt því þegar ég fæ svona hugmynd þá vil ég framkvæma hana strax.

Mætt í stólinn hjá Auði

Við byrjuðum á því að taka úr gamalt lím sem hafði orðið eftir af hinum lengingunum sem ég var með. Lengjurnar sem hún hafði græjað fyrir mig voru aðeins dekkri en mitt hár en hugmyndin var að lita mitt hár fyrst í sama lit og lengjurnar og skella þeim síðan í. Litaúrvalið er fjölbreytt en ég vildi dekkja mitt.

Verð er í kringum 49.000 kr. en það fer vissulega eftir því hversu margar samlokur þú færð. Ég tók 4 pakka, í einum pakka eru 8 lengjur eða 4 samlokur. Ég er því í heildina með 16 samlokur í mínu hári sem mér finnst vera mátulegt. Ég var að hugsa um að bæta við fimmta pakkanum en ég ákvað að bíða aðeins með það. Lengjurnar eru 50 cm síðar.

Inní þessu verði er hárið og ísetning. Þetta er 100% náttúrulegt hár sem endist í tvö ár með góðri umhirðu. Tvö ár er mjög langur líftími fyrir svona lengingar! Síðan er nauðsynlegt að fara í lagfæringu á sirka 12 vikna fresi. Lengjurnar eiga ekki að detta úr en þær vaxa úr hægt og rólega í takt við þitt eigið hár. Lagfæring er þannig að lengjurnar eru teknar úr, nýtt lím sett á þær og svo eru þær festar aftur á sinn stað.

Auður er algjör fagmaður og veit nákvæmlega hvað hún er að gera þegar kemur að því að líma lengingarnar í. Mér fannst mjög mikilvægt að þær væru settar þannig í að ég gæti verið með hátt tagl í ræktinni án þess að lengjurnar myndu sjást, og það er alveg tækni.

Ég komst upp með að vera eingöngu með lengjur en hún blandar oft saman lengjum og lokkum sem kemur líka fáránlega vel út.

Litur og lengingar komnar í stelpuna

Þegar lengjurnar voru komnar í fannst mér ótrúlegt hversu lítið ég fann fyrir þeim. Þegar ég var með lokka þá var límið alltaf svo hart, séstaklega eftir lagfæringu og ég fann mjög vel fyrir festingunum á höfðinu. En þetta er allt annað!

Ég ákvað að bíða aðeins með að skrifa þessa færslu afþví að ég vildi fá smá reynslu á hárið. Nú er ég búin að prófa að þvo það oft og mörgum sinnum, blása það, slétta það, krulla það, setja tagl og fléttur svo að eitthvað sé nefnt og niðurstaðan mín er þessi:

Auður hvar hefur þú verið allt mitt líf?
Án efa bestu lengingarnar í bænum og þjónustan fyrsta flokks.
Fimm stjörnur af fimm mögulegum!

Ég sýndi frá öllu þessu ferli á Instagraminu mínu (katrin.bjarkadottir) og fékk mikið hrós og margar spurningar frá stelpum sem voru áhugasamar um að vita meira. Ég elska að heyra frá ykku á Insta og vonandi svaraði þessi bloggfærsla einhverjum spurningum 🙂


Katrín Bjarka

Netfang: katrin@belle.is

Instagram: katrin.bjarkadottir

Facebook: www.facebook.com/katrinbjarkad

Þessi stutta eftir dvala….

Ég játa mig sko sannarlega lélega í bloggi seinustu vikur! Ástæðan er sú að það eru búnar að vera miklar breytingar í lífinu eins og gengur og gerist hjá fólki. Flutningar, breyttir fjölskylduhagir og ný vinna er það sem hefur átt hug minn allann og því hefur gefist lítill tími í skrif.

En ég er byrjuð að vinna í Springfield og Women´ secret í Smáralind og ætla að vera dugleg að sýna ykkur nýjungar þaðan á Insta (katrin.bjarkadottir). Síðan er sumarið á næsta leiti og eflaust margir (þar á meðal ég) að leggja frá sér vetrarfeldinn og byrjaðir að huga að ,,bikiní season“! Hlakka svo til að sýna ykkur öll fallegu bikiníin sem við fáum í Women´secret!

Ætla að hafa þetta stutt í kvöld en lofa fuglum og fiðrildum á komandi vikum….mikið að breytast, allskonar nýjungar og ef ég á að vera hreinskilin þá finnst mér ég ver að læra á lífið uppá nýtt……er það ekki bara jákvætt?

 


Katrín Bjarka

Netfang: katrin@belle.is

Instagram: katrin.bjarkadottir

Facebook: www.facebook.com/katrinbjarkad

 

Ertu á Insta?

Erum við vinir á Insta? @katrin.bjarkadottir

Það er svo mikið að ske þessa dagana…svo mikið að breytast. En vinir og vandamenn (og eflaust þeir sem hafa fylgst með blogginu mínu lengi) vita að það er aldei logn í kringum mig of lengi í senn.

Er það gott eða slæmt? Ég veit það ekki …. ég held bara áfram.


Katrín Bjarka

Netfang: katrin@belle.is

Instagram: katrin.bjarkadottir

Facebook: www.facebook.com/katrinbjarkad

Skin Perfecting!

Mig langar til að segja ykkur frá Skin Perfecting 8% AHA lotion frá Paula´s Choice sem ég hef verið að nota núna í 6 vikur.

,,Létt og rakagefandi krem sem dregur fram það besta í húð þinni, gefur henni fallegan ljóma og heilbrigðara yfirbragð.  Ávaxtasýrurnar leysa upp dauðar húðfrumur af yfirborði húðar, svo að þurrkablettir hverfa, húðin mýkist og fær jafnari litarhátt. Inniheldur 8 % glycolic sýru (AHA) sem er vatnsleysanleg og vinnur því mest á yfirborði húðarinnar, dregur úr hrukkum, litablettum, leðurkenndri húð og sólarskemmdum á húð.  AHA sýra eykur einnig getu húðar í að binda raka og dregur þannig úr þurrkablettum á húð.  Kremið inniheldur líka sefandi efni sem róa húð og draga úr roða, ertingu og bólgum.  Sýran örvar kollagen framleiðslu húðarinnar, og því verður húðin stinnari og hrukkur minna áberandi.  Hentar best blandaðri húð og þurri til mjög þurri húð.  Án ilm- og litarefna, án húðertandi efna.“

Mín upplifun:


Húðin mín:
Ég er 29 ára gömul, með fínar línur á þessum týpísku stöðum og mikið af örum eftir bólur á yngri árum. Húðin mín er blönduð, ég fæ þurrkubletti í kringum nefið, en get síðan skartað bólum á höku eða enni. Ég er mjög næm fyrir áreiti og hitabreytingum, sef lítið enda tveggja barna móðir með vefjagigt og hef því tekið eftir myndarlegum baugum seinustu mánuði. Það er nauðsynlegt fyrir mig að hugsa vel um húðina mína og ég veit að ég get náð ótrúlegum árangri þegar ég nota réttu vörurnar.

Umbúðir:
Kremið kemur í 100 ml túpu með pumpu og kostar 5.990 kr hjá Tigerlily.is sem er virkilega gott verð fyrir svona mikið magn af vandaðri vöru með góðri virkni. Ég elska krem með pumpu sem skammtar þér nákvæmlega því magni sem þú þarfnast. Það er hreinlegra og verndar vöruna fyrir bakteríum og óhreinindum.

Innihald og notkun:
Glycolic Acid er innihaldsefni númer tvö i þessu kremi en hún djúphreinsar húðina, fjarlægir óhreinindi og dauðar húðfrumur. Við viljum að virk innihaldsefni séu ofarlega á listanum. AHA sýrur eru ákjósanlegri þegar húðin er þurr og með sólarskemmdum því þær vinna á yfirborði húðarinnar og hjálpa að auki húðinni að binda betur raka. AHA sýrur eru áhrifaríkastar í styrkleikanum 5-10 %. Öllum gagnslausum efnum sem geta skaðað húð er sleppt í öllum vörum frá Paula´s Choice. Þetta eru t.d. alkóhól, ilmefni, litarefni og fleiri efni sem erta húð og valda þannig skaða djúpt niðri í húðlögunum. Vörurnar eru ekki prófaðar á dýrum.

Ég byrjaði á því að nota kremið 1x á dag eftir að hafa hreinsað húðina með RESIST Optimal Results Hydrating Cleanser. Fyrst þegar ég bar kremið á fann ég fyrir smá sting en það er eðlilegt þegar unnið er með sýrur. Eftir 5 daga komst ég að því að mín viðkvæma húð var að þola kremið vel og því fór ég að bera það á mig 2x á dag, kvölds og morgna.

Virkni:
Eftir að hafa notað vöruna í tvær vikur fannst mér húðin vera sjáanlega hreinni, mýkri og sléttari. Örin vöru enn á sínum stað enda bjóst ég ekki við neinu öðru en þau trufluðu mig ekki jafn mikið því að húðin hafði fengið þennan fallega ljóma sem gerði það að verkum að mér fannst húðin mín virkilega falleg þrátt fyrir nokkra fílapensla á nefinu og ör eftir bólur. Eftir 4 vikur fannst mér húðin unglegri og húðliturinn jafnari og núna eftir 6 vikur finnst mér húðin mín virkilega vel nærð og heilbrigð.

Þú getur nálgast vörurnar frá Paula´s Choice á Tigerlily.is.


Katrín Bjarka

Netfang: katrin@belle.is

Instagram: katrin.bjarkadottir

Facebook: www.facebook.com/katrinbjarkad

Get ég orðið minimalisk?

Er minimaliskur lífsstíll eitthvað sem ég get tileinkað mér og vil tileinka mér?

Svarið mitt hefur alltaf verið: NEI!

Þessa dagana er ég að ganga í gegnum persónulegar breytingar eins og fólk geri svo oft í þessu lífi og það neyðir mann stundum til að skoða hlutina frá öðru sjónarhorni. Tek það fram að ég er ekki búin að móta þessar hugsanir endanlega…þær eru í skoðun.

Ég á heima í stóru einbýlishúsi með heitum potti og bakgarði á stærð við Klambratún. Það eru tveir bílar í innkeyrslunni. Sólskáli og bílskúr. Inni hjá mér eru 5 hægindastólar, sófi, sófaborð, hillur og skápar. Borðstofuborð með sex stólum, eldhúsborð með fjórum stólum, tvö risastór rúm, barnarúm, endalaust af allskonar leirtaui, tvær mottur, fjögur óhreinatau og allavega 6 kassar fullir af leikföngum!!! Það eru tvö baðherbergi, sturta og baðkar. Dóttir mín á eitt reiðhjól, annað þríhjól og risastóran bíl sem hún fékk í jólagjöf. Ég á örugglega 50 bodylotion,10 ilmvötn og ég ætla ekki að minnast á snyrtidótið og kremin. Börnin mín eiga síðan sér kassa með baðdóti og annan kassa með útileikföngum. Ég á lítinn fataskáp (sem ég get samt labbað inn í) og hann er troðfullur af fötum – helminginn nota ég ekki. Bílskúrinn hefur að geyma óteljandi kassa sem innihalda minningar og fjársóð sem ég man ekki eftir.

Ég var komin á æðislegt skrið með skipulagið fyrir jólin samt. Fór í rúmfatalagerinn og keypti fullt af allskonar hirslum, körfum og kössum til að geyma allt dótið okkur í. Þvílíkur sigur sem það var að troða öllu ,,draslinu“ í körfur útum allt hús.

En síðan gerðist það á miðvikudaginn í seinustu viku um kvöldmataleiti. Ég var búin að eyða öllum deginum í að taka til og þrífa þetta risastóra hús. Ég var að elda mat fyrir krakkana. Alexander sat í stóra dótabílnum (sem vinir á Instagram hafa fengið að kynnast) með tónlistina í botni keyrandi útum allt, klessandi á húsögn. Íris Rut var búin að skipta um föt þrisvar sinnum síðan hún kom heim úr leikskólanum og því lágu kjólar og buxur útum öll gólf. Ég gekk inní þvottahús til að athuga þvottinn og þegar ég kom til baka var Alexander búin að finna fínu kassana sem ég hafði keypt fyrir jólin sem höfðu að geyma allskonar drasl sem ég þurfti nauðsynlega að geyma og að sjálfsögðu var hann búin að sturta úr þeim á stofugólfið. Á þessum augnabliki stoppaði ég……… ég fékk nóg.

Þetta varð til þess að ég setti börnin snemma í ból og settist upp í sófa hálf gáttuð. Þetta var hálfgert ,,wake up call“ fyrir mig.

Án þess að fara of djúpt í persónulega hluti þá vissi ég allavega að þessi efnahyggja og þetta drasl í kringum var ekki að virka. Foreldrar mínir hafa aldrei verið rík eða átt mikið af hlutum. Við bjuggum ekki í stórri íbúð og ég fékk ekki sérherbergi fyrr en ég var 10 ára. Ég lærði snemma að það skipti ekki máli hversu stór pakkinn undir jólatréinu var og ég var alltaf þakklát fyrir dótið eða fötin sem ég fékk. Mig skorti aldrei neitt og fann aldrei fyrir fátækt.

Ég ætla bara að viðurkenna það að dóttir mín er ekki eins. Hún hefur alltaf fengið allt sem hún vill, sem hefur gert það að verkum að hún fer ekki nægilega vel með dótið sitt (enda er alltof mikið af dóti í kringum hana) og hún er svolítið föst í því að ef eitthvað bilar þá er hægt að kaupa nýtt. Það fer ekkert á milli mála að þetta er lærð hegðun.

Ég er komin með plan …. ég ætla að breyta þessu. Ég veit ekki alveg hvernig, en þessa dagana er ég allavega i óðaönn að grisja heimilið mitt. Losa mig við óþarfa dót og drasl.

Ef þið eruð í svipuðum hugleiðingum þá mæli ég með blogginu hennar Margrétar Bjarkar sem heitir minimalist.is.

Þið getið fylgst með þessu öllu saman á Insta Story hjá mér!


Katrín Bjarka

Netfang: katrin@belle.is

Instagram: katrin.bjarkadottir

Snapp: katrinbjarka

Facebook: www.facebook.com/katrinbjarkad

 

 

 

 

Úlpan sem heldur mér á lífi

Þvílíkt bloggleysi seinustu daga, þetta hefur held ég aldrei gerst! En ég er eins og bjarndýr sem leggst í dvala á veturna… litli vefjagigtalíkaminn minn þolir kuldann svo illa, ætli ég neyðist ekki bara til að flytja til Tene? Er að skoða þetta……

En ég gerði góð kaup um daginn frá Asos að sjálfsögðu. Keypti mér risastóra dúnúlpu og ég hef búið í heinni seinustu vikur.

Boohoo Padded Coat with Faux Fur Hood

Hún er ótrúlega létt og þægileg en á sama tíma hlý og nóg stór til að vera í þykkum peysum innan undir.

Minn stíll á veturna samanstendur af stórum þykkum peysum, þykkum úlpum, þykkum sokkum og leggings. Mjög simple en á vel við í þessum kulda.

Úlpa: Asos
Peysa: H&M
Leggings: H&M
Sokkar: Sokkabúðin Cobra
Skór: H&M

 


Katrín Bjarka
Fylgdu mér á Instagram @katrin.bjarka

MUNUM áskorun 2018!

Vissir þú að 95% af öllu sem þú hugsar, finnur, gerir eða afrekar er niðurstaða af venjum þínum? Hvort sem það er að bursta tennurnar, þvo á þér hárið eða setja á þig farða þá eru venjur um 40% af því sem þú gerir alla daga.

Venjur eru nauðsynlegar fyrir hugann til að ná að hvílast. Við sköpum okkur bæði góðar og slæmar venjur sem hafa mikil áhrif á okkar líf. Að búa til nýja venju gefur þér vald til að bæta heilsu þína, útlit, afköst, sambönd við ástvini eða bæta þig i vinnu. Góðar venjur geta bætt líf þitt það sem eftir er.

Við skorum á þig að taka út einhverja slæma venju í þínu lífi og/eða skapa þér nýja góða venju í 30 daga. Þetta þarf ekki að vera mjög róttæk breyting því litlar endurteknar breytingar hafa mikil áhrif til lengri tíma.

Dæmi um góðar venjur:
* Hugleiða í 30 daga
* Borða ekkert nammi eða engan sykur í 30 daga
* Taka alltaf stigann í 30 daga
* Hreyfa sig á hverjum degi í 30 dag

Það var skorað á mig og ég ætla að skora á ykkur lika!

Það sem skiptir öllu máli í svona áskorun er daglegt ,,motivation“. Já, ég ætla að nota þessa ensku slettu en á íslensku er talað um hvatningu. Fólk heldur stundum að það sé nóg að lesa motivational texta eða horfa á motivational video á youtube einu sinni í mánuði en það er ekki rétt! Þú þarft að motivera sjálfan þig á hverjum degi til að þetta takist!!

Árið 2014 byrjaði ég í líkamsrækt, ég vildi koma mér í gott form. En eini tíminn sem ég hafði til að mæta í ræktina var kl. 05:30 á morgnana. Ég átti 4 mánaða gamalt barn, var í skóla og vinnu. Á hverju kvöldi áður en ég fór að sofa skoðaði ég myndir á Instagram af fólki sem var í góðu formi og lifði heilbrigðum lifsstíl. Ég las qoutes um líkamsrækt og las greinar sem tengdust fitness og mataræði. Þegar ég vaknaði kl. 05:00 til að mæta á æfingu þá byrjaði ég að því að hlusta á video sem hvatti mig áfram. Ég hlutstaði á það á meðan ég græjaði mig og í bílnum á leiðinni á æfingu. Ég átti þrjú uppáhalds video sem ég spilaði stanslaust. Ég var kannski ekkert alltaf í stuði en ég treysti því að undirmeðvitundin mín tæki við skilaboðunum.

Fjórum árum síðar og ég hlusta enn á þessi video. Þó að líkamrækt sé orðið að lífsstíl hjá mér þá er ég samt enn að hvetja mig áfram daglega. Ég er alltaf að setja mér markmið og ég er alltaf að skora á sjálfan mig.

Ég ætla að taka þátt í MUNUM áskorun 2018 og ég er búin að setja mér 3 markmið sem ég veit að eiga eftir að taka á.

1. Ég ætla ekki að borða nammi í 30 daga.

2. Síminn verður geymdur í körfu á ganginum frá því að börnin koma heim þanga til þau fara að sofa.

3. Taka cardio æfingu á morgnana, 5x í viku. Lyfta síðan seinnipartinn. (Þetta markmið er stílað inná vefjagigtina, hreyfing er það besta sem ég geri fyrir sjálfan mig).

Passaðu þig samt á því að hafa gaman að þessu! Þetta er ekki kvöð, þú ert að prófa þig áfram, skora á sjálfan þig. Kannski nærðu öllum þínum markmiðum og kannski ekki.

Eins og Arnold vinur minn segir:


Katrín Bjarka
Fylgdu mér á Instagram @katrin.bjarka

 

 

Takk fyrir mig kæru lesendur og samstarfsaðilar!

//English below

Það er ár síðan ég byrjaði að blogga á belle.is en fyrsta færslan mín var birt þann 1. janúar 2017. Síðan þá hef ég skrifað og birt 73 færslur!

Mér finnst ekkert skemmtilegra en að deila með ykkur vangaveltum og hugmyndum hér á blogginu og á Instagram!

//It´s been a year since I started blogging here at belle.is. My first blog came out January 1, 2017. Since then I´ve published 73 blogs! Nothing makes me happier that writing interesting blog posts and sharing my thoughts and my life with you guys. Both here and on Instagram.

 

Þrátt fyrir að vera aðeins búin að blogga i ár þá hef ég unnið með ótrúlega flottum merkjum og fyrirtækjum. Ég vanda valið mjög vel þegar kemur að samstarfi og ég er stolt af öllum þeim verkefnum sem ég hef unnið í. 

//I´ve only been blogging for a year but I´ve had so many great partnerships with many different companies. I am proud of them all and so thankful.  

– Snyrtistofan Fegurð
– MUNUM dagbók  
– Mamma veit best
– Fitsuccess
– Sally Hansen
– Paula´s Choice
– Kompaníið
– Betri Svefn
– Pampers
– Nivea
– Forlagið
– Zik Zak
– Heimkaup
– PEI
– Special K
– Ghostlamp

Takk fyrir samstarfið á árinu sem er að líða!
//Thank you so much!

 

Árið 2017 er búið að vera algjört ævintýrir. Er búin að ferðast mikið, kynnast nýju fólki, eignast nýja vini og prófa nýja hluti.
Ég er búin að ýta mér langt út fyrir þægindarammann mörgum sinnum á þessu ári, sem er gott því öðruvísi þroskast maður ekki. Hef labbað á marga veggi, tekið margar vitlausar ákvarðanir, tekið margar réttar ákvarðanir, verið til staðar fyrir fólkið mitt, lesið 40 bækur, brosað, grátið, hlegið og hugsað.

//The year 2017 has been amazing. I´ve travelled a lot and met interesting people along the way. I´ve made new friends and pushed myself out of my comfort zone countless times, which is a good thing because otherwise you don´t grow.

The choices I´ve made this year have both been good and bad. I´ve laugh a lot and cried a little. But I was able to reach my book goal but this year! 40 books 🙂

 

Til ykkar kæru lesendur! Þá langar mig að þakka ykkur kærlega fyrir samfylgdina á árinu. Það eruð þið sem haldið mér við efnið og hvetjið mig til þess að halda áfram að skrifa og skapa.

Hlakka til að kynnast ykkur betur á nýju ári!
Gleðilegt nýtt ár!

//To my dear readers, I want to thank you so much for everything. You guys are the reason I am writing and creating my content. You keep me focused  and I am so grateful.

Happy new year everyone!

 


Katrín Bjarka
Fylgdu mér á Instagram @katrin.bjarka

 

Jóla neglurnar mínar!

Ég fékk þá skyndiákvörðun í vikunni að hressa aðeins uppá neglurnar mínar. Ég hef alltaf verið með frekar þunnar neglur, sem að brotna auðveldlega. Ég vissi að ég væri ansi bjartsýn að fá tíma hjá naglafræðing svona korter í jól, en það hafðist!

Ég hafði samband við Naglameistarann í Hfn og það vildi svo til að ein hafði afbókað sig þannig að ég komst að.

Naglafræðingurinn sem ég fór til heitir Andrea og hún gerir acryl neglur, sem var akkurat það sem ég vildi. Á jólunum verða rauðir tónar oftast fyrir valinu en ég ákvað að fara í aðeins bleikari lit sem mér fannst henta mér betur, hann heitir Wanna Dance og er nr. 46.

Svo fékk ég mér glimmer á baugfingurinn svona til þess að poppa þetta aðeins upp. Ég er svo ótrúlega sátt með útkomuna!

Ég mæli klárlega með Andreu hjá Naglameistaranum, ég er allavega búin að panta mér tíma í lagfæringu eftir 4 vikur. Annars voru þær nokkrar að vinna þarna og ég sá ekki betur en að þær væru allar ótrulega flinkar í þessu fagi.

Það þarf ekki mikið til að gleðja 🙂


Katrín Bjarka
Fylgdu mér á Instagram @katrin.bjarka

 

Fullkomin peysa fyrir veturinn úr Zöru!

Úrvalið í Zöru hefur aldrei verið flottara! Kannski er það vegna þess að tískan núna er minn stíll út í gegn. Víðar peysur og íþróttabuxur!

Ég hefði getað keypt alla búðina, mátaði 10 flíkur en aðeins tvær fengu að koma með mér heim. Í þetta skiptið allavega, er að fara aftur að versla í vikunni! Það eru nefnilega jól………

En peysan sem ég keypti mér var ást við fyrstu sýn. Ótrúlega mjúk, þægileg og síð. Tók hana í medium til að hafa hana extra víða og kósý. Mér fannst flest fötin þarna vera á virkilega góðu verði, en þessi peysa var rétt undir 5000 krónum.

 

Ég keypti mér dökkbláa, er búin að vera hrifin af bláu núna uppá síkastið. Það voru til fleiri litir, svartur, grár, ljós blár og gulur meira að segja. Mér finnst liturinn og efnið sjást mjög vel á myndinni hér fyrir ofan. Sjáið þið hvað hún er mjúk?

 

Peysan er nægilega síð til að vera í leggings við, sem er mikill kostur! Mæli með að þið kíkið í Zöru í Smáralind. Ef þið viljið næla ykkur í eina svona kósý peysu fyrir veturinn þá sýndist mér vera nóg til og mikið úrval af allskonar!

 

 

 

 

 

 

 

 

 

 

 

 

 

 

 

 

 

 

 

 


Katrín Bjarka
Fylgdu mér á Instagram @katrin.bjarka

 

Fylgdu okkur á


Follow